Taittiriyabrahmana 3.1.6.2
Taittirīyabrāhmaṇa 3.1.6.2
- Language
- Sanskrit
3.1.6.2
ahorātré vā́ akāmayetām /
áty ahorātré mucyevahi /
ná nāv ahorātré āpnuyātām íti /
té etám ahorātrā́bhyāṃ carúṃ níravapatām /
dvayā́nāṃ vrīhīṇā́m /
śuklā́nāṃ ca kṛṣṇā́nāṃ ca /
savātyór dugdhé /
śvetā́yai ca kṛṣṇā́yai ca /
táto vái té áty ahorātré amucyete /
ná_ene ahorātré āpnutām /
áti ha vā́ ahorātré mucyate /
ná_enam ahorātré āpnutaḥ /
yá eténa havíṣā yájate /
yá u ca_enad eváṃ véda /
só 'tra juhoti /
áhne svā́hā rā́triyai svā́hā /
átimuktyai svā́hā_íti //
Commentaries (4)
- Taittirīyabrāhmaṇaṭīkā — Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (2)
- A Vedic Concordance — Maurice Bloomfield, English
- Śrautakośa — Sanskrit