Taittiriyabrahmana 3.12.2.7

3.12.2.7

tám agnír balimā́n abravīt /
prájāpate 'gnáye vái balimáte sárvāṇi bhūtā́ni balím̐ haranti /
ahám u vā́ agnír balimā́n asmi /
mā́ṃ nú yajasva /
átha te sárvāṇi bhūtā́ni balím̐ hariṣyanti /
ánu svargáṃ lokáṃ vetsyásī́ti /
sá etám agnáye kā́māya puroḍā́śam aṣṭā́kapālaṃ níravapat /
agnáye balimáte carúm /
ánumatyai carúm /
táto vái tásmai sárvāṇi bhūtā́ni balím aharan /
ánu svargáṃ lokám avindat /
sárvāṇi ha vā́ asmai bhūtā́ni balím̐ haranti /
ánu svargáṃ lokáṃ vindati /
yá eténa havíṣā yájate /
yá u ca_enad eváṃ véda /
só 'tra juhoti /
agnáye kā́māya svā́hā_agnáye balimáte svā́hā /
ánumatyai svā́hā prajā́pataye svā́hā /
svargā́ya lokā́ya svā́hā_agnáye sviṣṭakṛ́te svā́hā_íti //