Taittiriyabrahmana 3.6.11.4
Taittirīyabrāhmaṇa 3.6.11.4
- Language
- Sanskrit
3.6.11.4
kárad eváṃ devó vánaspátiḥ /
juṣátām̐ havíḥ /
hótar yája /
piprīhí devā́m̐ uśató yaviṣṭha /
vidvā́m̐ ṛtū́m̐ ṛtupate yaja_ihá /
yé dáivyā ṛtvíjas tébhir agne /
tvám̐ hótṝṇām asy ā́yajiṣṭhāḥ /
hótā yakṣad agním̐ sviṣṭakṛ́tam /
áyāḍ agnír indrāgniyóś chā́gasya havíṣaḥ priyā́ dhā́māni /
áyāḍ vánaspáteḥ priyā́ pā́thām̐si /
áyāḍ devā́nām ājyapā́nāṃ priyā́ dhā́māni /
yákṣad agnér hótuḥ priyā́ dhā́māni /
yákṣat sváṃ mahimā́nam /
ā́yajatām éjyā íṣaḥ /
kṛṇotu só adhvarā́ jātávedāḥ /
juṣátām̐ havíḥ /
hótar yája //