Taittiriyabrahmana 3.7.5.13

3.7.5.13

mā́ no vidad vṛjánā dvéṣyā yā́ /
ṛṣabháṃ vājínaṃ vayám /
pūrṇámāsaṃ yajāmahe /
sá no dohatām̐ suvī́ryam /
rāyás póṣam̐ sahasríṇam /
prāṇā́ya surā́dhase /
pūrṇámāsāya svā́hā /
amāvāsyā̀ subhágā suśévā /
dhenúr iva bhū́ya āpyā́yamānā /
sā́ no dohatām̐ suvī́ryam /
rāyás póṣam̐ sahasríṇam /
apānā́ya surā́dhase /
amāvāsyā̀yai svā́hā /
abhístṛṇīhi páridhehi védim /
jāmíṃ mā́ him̐sīr amuyā́ śáyānā /
hotṛṣádanā háritāḥ suvárṇāḥ /
niṣkā imé yájamānasya bradhné //