Taittiriyabrahmana 3.7.6.23

3.7.6.23

átho hāridravéṣu me /
harimā́ṇaṃ nídadhmasi /
údagād ayám ādityáḥ /
víśvena sáhasā sahá /
dviṣántaṃ máma randháyan /
mó aháṃ dvíṣató radham /
yó naḥ śápād áśapataḥ /
yáś ca naḥ śápataḥ śápāt /
uṣā́ś ca tásmai nimrúk ca /
sárvaṃ pāpám̐ sámūhatām //
yó naḥ sapátno yó ráṇaḥ /
márto 'bhidā́sati devāḥ /
idhmásya_iva prakṣā́yataḥ /
mā́ tásya_úccheṣi kíṃ caná /
ávasṛṣṭaḥ párāpata /
śaro bráhmasam̐śitaḥ /
gácchāmítrān práviśa /
mā́_eṣāṃ káṃ caná_ucchiṣaḥ //