Taittiriyabrahmana 3.7.6.5
Taittirīyabrāhmaṇa 3.7.6.5
- Language
- Sanskrit
3.7.6.5
yó bráhmaṇā kármaṇā dvéṣti devāḥ /
yáḥ śruténa hṛ́dayena_iṣṇatā́ ca /
tásya_indra vájreṇa śíraś chinadmi /
ū́rṇāmṛdu práthamānam̐ syonám /
devébhyo júṣṭam̐ sádanāya barhíḥ /
suvargé loké yájamānam̐ hí dhehí /
mā́ṃ nā́kasya pṛṣṭhé paramé vyòman /
cátuḥśikhaṇḍā yuvatíḥ supéśāḥ /
ghṛtápratīkā vayúnāni vaste /
sā́ stīryámāṇā mahaté sáubhagāya //