Taittiriyabrahmana 3.8.1
Taittirīyabrāhmaṇa 3.8.1
- Language
- Sanskrit
3.8.1.1
sāṃgrahaṇyā_íṣṭyā yajate /
imā́ṃ janátām̐ sáṃgṛhṇānī́ti //
dvā́daśāratnī raśanā́ bhavati /
dvā́daśa mā́sāḥ saṃvatsaráḥ /
saṃvatsarám evā́varundhe /
mauñjī́ bhavati /
ū́rg vái múñjāḥ /
ū́rjam evā́varundhe //
citrā́ nákṣatraṃ bhavati /
citráṃ vā́ etát kárma //
3.8.1.2
yád aśvamedháḥ sámṛddhyai //
púṇyanāma devayájanam adhyávasyati /
púṇyām evá téna kīrtím abhíjayati //
ápadātīn ṛtvíjaḥ samā́vahanty ā́ subrahmaṇyā́yāḥ /
suvargásya lokásya sámaṣṭyai //
keśaśmaśrú vapate /
nakhā́ni níkṛntate /
dató dhāvate /
snā́ti /
áhataṃ vā́saḥ páridhatte /
pāpmánó 'pahatyai /
vā́caṃ yatvā́_upavasati /
suvargásya lokásya gúptyai /
rā́triṃ jāgaráyanta āsate /
suvargásya lokásya sámaṣṭyai //
Commentaries (1)
- Taittirīyabrāhmaṇabhāṣya (Sāyaṇa) — Sāyaṇa, Sanskrit