Taittiriyabrahmana 3.8.1.2
Taittirīyabrāhmaṇa 3.8.1.2
- Language
- Sanskrit
3.8.1.2
yád aśvamedháḥ sámṛddhyai //
púṇyanāma devayájanam adhyávasyati /
púṇyām evá téna kīrtím abhíjayati //
ápadātīn ṛtvíjaḥ samā́vahanty ā́ subrahmaṇyā́yāḥ /
suvargásya lokásya sámaṣṭyai //
keśaśmaśrú vapate /
nakhā́ni níkṛntate /
dató dhāvate /
snā́ti /
áhataṃ vā́saḥ páridhatte /
pāpmánó 'pahatyai /
vā́caṃ yatvā́_upavasati /
suvargásya lokásya gúptyai /
rā́triṃ jāgaráyanta āsate /
suvargásya lokásya sámaṣṭyai //