Taittiriyabrahmana 3.8.11
Taittirīyabrāhmaṇa 3.8.11
- Language
- Sanskrit
3.8.11.1
prajā́patir aśvamedhám asṛjata /
tám̐ sṛṣṭáṃ ná kíṃ caná_udayacchat /
táṃ vaiśvadevā́ny evá_udayacchan /
yád vaiśvadevā́ni juhóti /
yajñásya_údyatyai //
svā́hā_ādhím ā́dhītāya svā́hā /
svā́hā_ā́dhītaṃ mánase svā́hā /
svā́hā mánaḥ prajā́pataye svā́hā /
kā́ya svā́ha kásmai svā́hā katamásmai svā́hā_íti prājāpatyé múkhye bhavataḥ /
prajā́patimukhābhir eváinaṃ devátābhir údyacchate //
3.8.11.2
ádityai svā́hā_ádityai mahyài svā́hā_ádityai sumṛḍīkā́yai svā́hā_íty āha /
iyáṃ vā́ áditiḥ /
asyā́ eváinaṃ pratiṣṭhā́ya_údyacchate //
sárasvatyai svā́hā sárasvatyai bṛhatyài svā́hā sárasvatyai pāvakā́yai svā́hā_íty āha /
vā́g vái sárasvatī /
vācā́_eváinam údyacchate //
pūṣṇé svā́hā pūṣṇé prapathyā̀ya svā́hā pūṣṇé naráṃdhiṣāya sváhā_íty āha /
paśávo vái pūṣā́ /
paśúbhir eváinam údyacchate //
tváṣṭre svā́hā tváṣṭre turī́pāya svā́hā tváṣṭre pururū́pāya svā́hā_íty āha /
tváṣṭā vái paśūnā́ṃ mithunā́nām̐ rūpakṛ́t /
rūpám evá paśúṣu dadhāti /
átho rūpáir eváinam údyacchate //
víṣṇave svā́hā víṣṇave nikhuryapā́ya sváhā víṣṇave nibhūyapā́ya svā́hā_íty āha /
yajñó vái víṣṇuḥ /
yajñā́ya_eváinam údyacchate /
pūrṇāhutím uttamā́ṃ juhoti /
prátyúttabdhyai sayatvā́ya //
Commentaries (1)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
Linked texts (2)
- Mādhyandina — Sanskrit
- Kāṭhakasaṃhitā — Sanskrit