Taittiriyabrahmana 3.8.23
Taittirīyabrāhmaṇa 3.8.23
- Language
- Sanskrit
3.8.23.1
púruṣo vái yajñáḥ /
yajñáḥ prajā́patiḥ /
yád áśve paśū́n niyuñjánti /
yajñā́d evá tád yajñáṃ práyuṅkte //
áśvaṃ tūparáṃ gomṛgám /
tā́n agniṣṭhá ā́labhate /
senāmukhám evá tát sám̐śyati /
tásmād rājamukháṃ bhīṣmáṃ bhā́vukam //
āgneyáṃ kṛṣṇágrīvaṃ purástāl lalā́ṭe /
pūrvāgním evá táṃ kurute /
3.8.23.2
tásmāt pūrvāgníṃ purástāt sthāpayanti //
pauṣṇám anváñcam /
ánnaṃ vái pūṣā́ /
tásmāt pūrvāgnā́v āhāryàm ā́haranti //
aindrāpauṣṇám upáriṣṭāt /
aindró vái rājanyò 'nnaṃ pūṣā́ /
annā́dyena_eváinam ubhayátaḥ párigṛhṇāti /
tásmād rājanyò 'nnādó bhā́vukaḥ //
āgneyáu kṛṣṇágrīvau bāhuvóḥ /
bāhuvór evá vīryàṃ dhatte /
3.8.23.3
tásmād rājanyò bāhubalī́ bhā́vukaḥ //
tvāṣṭráu lomaśasaktháu sakthyóḥ /
sakthyór evá vīryàṃ dhatte /
tásmād rājanyà ūrubalī́ bhā́vukaḥ //
śitipṛṣṭháu bārhaspatyáu pṛṣṭhé /
brahmavarcasám evá_upáriṣṭād dhatte /
átho kaváce eváité abhítaḥ páryūhate /
tásmād rājanyàḥ saṃnaddhó vīryàṃ karoti //
dhātré pṛṣa_udarám adhástāt /
pratiṣṭhā́m eváitā́ṃ kurute /
átho iyáṃ vái dhātā́ /
asyā́m evá prátitiṣṭhati //
sauryáṃ balákṣaṃ púcche /
utsedhám evá táṃ kurute /
tásmād utsedháṃ bhayé prajā́ abhísám̐śrayanti //
Commentaries (5)
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Yajurbrahmaṇabhāṣya — Sāyaṇācārya, Sanskrit
Linked texts (1)
- Mādhyandina — Sanskrit