Taittiriyabrahmana 3.8.23.3

3.8.23.3

tásmād rājanyò bāhubalī́ bhā́vukaḥ //
tvāṣṭráu lomaśasaktháu sakthyóḥ /
sakthyór evá vīryàṃ dhatte /
tásmād rājanyà ūrubalī́ bhā́vukaḥ //
śitipṛṣṭháu bārhaspatyáu pṛṣṭhé /
brahmavarcasám evá_upáriṣṭād dhatte /
átho kaváce eváité abhítaḥ páryūhate /
tásmād rājanyàḥ saṃnaddhó vīryàṃ karoti //
dhātré pṛṣa_udarám adhástāt /
pratiṣṭhā́m eváitā́ṃ kurute /
átho iyáṃ vái dhātā́ /
asyā́m evá prátitiṣṭhati //
sauryáṃ balákṣaṃ púcche /
utsedhám evá táṃ kurute /
tásmād utsedháṃ bhayé prajā́ abhísám̐śrayanti //