Vādhūla Brāhmaṇa (Anvākhyāna) 107.1-2

107.1-2

[25]
'idamamuttarātsuvaḥ' ityasāvu haivaiṣa ādityaḥ; 'tasya śrotram̐ sauvam' iti
śrotramu haivaitat; 'śaracchrautrī' ityṛturhaivaiṣaḥ; 'anuṣṭupchāradī' ityudīcyu haivaiṣā
dik; 'anuṣṭubhaḥ svāram' iti sāmo haivaitat; 'svārānmanthī' iti candramā u
haivaiṣaḥ; 'manthina ekaviṃśaḥ' ityasāvu haivaiṣa ādityaḥ; ['ekaviṃśādvairājam'
iti sāmo haivaitat; 'vairājājjamadagnirṛṣiḥ' ityasāvu haivaiṣa ādityaḥ]10;
'prajāpatigṛhītayā tvayā śrotraṃ gṛhṇāmi prajābhyaḥ' ityannaṃ vai śrotraṃ yajñaḥ prajāpatiḥ;
tasmādutaitadaśanāyataḥ śrotramavatarāmiva krāmati; yajñagṛhītayā tvayā śrotraṃ gṛhṇāmi
prajābhya iti vāvaitadāha