Vādhūla Brāhmaṇa (Anvākhyāna) 107.1-3
Vādhūlabrāhmaṇa 107.1-3
- Language
- Sanskrit
107.1-3
[26] [iti viṃśo'nuvākaḥ]
idaṃ vā anvāhuḥ - 'ekayā'stuvata' iti tadekā bṛhatī bhavati;
'tisṛbhirastuvata trayastrim̐śatā'stuvata' iti' tadekā bṛhatī bhavati; pañcabhirastuvataikatrim̐śatā'stuvata' iti tadekā bṛhatī bhavati; saptabhirastuvata navavim̐śatyā'stuvata' iti tadekā bṛhatī bhavati; navabhirastuvata saptavim̐śatyā'stuvata iti
tadekā bṛhatī bhavati; ekādaśabhirastuvata pañcavim̐śatyā'stuvata' iti tadekā
bṛhatī bhavati; trayodaśabhirastuvata trayoviṃśatyā'stuvata' iti tadekā bṛhatī
bhavati; pañcadaśabhirastuvataikavim̐śatyā'stuvata' iti tadekā bṛhatī bhavati;
saptadaśabhirastuvata navadaśabhirastuvata' iti tadekā bṛhatī bhavati; tā vā etā
aṣṭau bṛhatyaḥ saṃpadyanta ekā ca stotrīyā'tiricyate; yaikā stotrīyā'tiricyate
yajamāna eva saḥ; saptadaśo vai vājapeyaḥ 5