Vādhūla Brāhmaṇa (Anvākhyāna) 107.3

107.3

'ayaṃ paścādviśvavyacāḥ' ityasāvu haivaiṣa ādityaḥ; 'tasya
cakṣurvaiśvavyacasam' iti cakṣurhaivaitat; 'varṣāṇi cākṣuṣāṇi' ityṛtuhaivaiṣaḥ; 'jagatī
vārṣī' iti pratīcyu haivaiṣā dik'; 'jagatyā ṛkṣamam' ityṛksāme u haivaite;
'ṛkṣamācchukraḥ' ityasāvu haivaiṣa ādityaḥ; 'śukrāt saptadaśaḥ' iti
prajāpatihaivaiṣaḥ; 'saptadaśādvairūpam' iti sāmo haivaitat; 'vairūpādiśvamitra ṛṣiḥ'
ityasāvu haivaiṣa ādityaḥ; 'prajāpatigṛhītayā tvayā cakṣurgṛhāmi prajābhyaḥ' ityannaṃ
vai cakṣuryajñaḥ prajāpatiḥ; tasmādutaitadaśanāyataścakṣuravatarāmiva krāmati; yajñagṛhītayā
tvayā cakṣurgṛhāmi prajābhya iti vāvaitadāha