Vimshabrahmana 116: atha prathamaḥ khaṇḍaḥ
Viṃśabrāhmaṇa 116
- Language
- Sanskrit
atha prathamaḥ khaṇḍaḥ
116.1
yasya niḥśvasitaṃ vedā yo vedebhyo'khilaṃ jagat
nirmame tamahaṃ vande vidyātīrthamaheśvaram
atha tṛtīye dāśarātrike'hni bahiṣpavamānasya saptadaśastomasya prathamaṃ tṛcaṃ vidadhāti—
davidyutatyāruceti tṛtīyasyāhnaḥ pratipadbhavati
116.2
anuṣṭhitayorahnostṛtīyasya cā'hnaḥ sandhāyakāni rūpāṇi davidyutatyetasyāṃ darśayan trirātrasandhānaṃ darśayati—
davidyutatī vai gāyatrī pariṣṭobhantī triṣṭubgavāśīrjagatī trīṇi rūpāṇi samārabhate trirātrasyā'visraṃsāya
116.3
ete asṛgramindava ityanurūpo bhavati
116.4
eta iti vai prajāpatirdevānasṛjatāsṛgramiti manuṣyānindava iti pitṝṃstadeva tadabhivadati
116.5
pūrvamucaiva tadrepamapareṇa rūpeṇā'nuvadati yatpūrvaṃ rūpamapareṇa rūpeṇo'nuvadati tadanurūpasyānurūpatvamanurūpa enaṃ
putro jāyate ya evaṃ veda
116.6
stotrīyānurūpau tṛcau bhavataḥ prāṇāpānānāmavaruddhayai
116.7
rājā medhābhirīyate pavamāno manāvedhantarikṣeṇa
yātava iti
116.8
antarikṣadevatyastṛco bhavatyantarikṣadevatyametadaharyattṛtīyaṃ tadeva tadabhivadati
116.8-2
yattṛtīyamaharantarikṣadevatyaṃ antarikṣadevatārthaṃ ato antarikṣeṇa yātava iti tanmantravākyaṃ tadevā'ntarikṣadevatyamabhivadati
116.9
pañcarco bhavati pañcapadā paṅkiḥ pāṅktamannamannādyasyā'varuddhyai
116.10
tṛca uttamo bhavati yenaiva prāṇena prayanti tamabhyupayanti
116.11
saptadaśa eva stomo bhavati pratiṣṭhāyai prajātyai
Linked texts (5)
- Jaiminīyabrāhmaṇa — Sanskrit
- Pañcaviṃśabrāhmaṇa — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit