Pramāṇa · Search · About · API

Vimshabrahmana 72

Viṃśabrāhmaṇa 72

Language
Sanskrit

72.1

paśavo vai bṛhadrathantare aṣṭākṣareṇa prathamāyā ṛcaḥ
prastautyaṣṭāśaphām̐statpaśūnavarundhe

72.2

dvyakṣareṇottarayorṛcoḥ prastauti dvipādyajamāno yajamānameva yajñe paśuṣu pratiṣṭhāpayati

72.3

pañcākṣareṇa rathantarasya pratiharati pāṅktā̍ 'statpaśūnavarundhe

72.4

caturakṣareṇa bṛhataḥ pratiharati catuṣpadastatpaśūnavarundhe

72.5

na vai bṛhanna rathantaramekañchando yacchattataḥ kakubhāvuttare upādadhustasmādbṛhatī prathamā kakubhāvuttare tasmādvṛhadrathantare ekarcena kurvvanti na hi te ekañchando'yacchat

72.6

nava bṛhato rohān rohati nava prāṇāḥ prāṇānevāvarundhe

72.7

trīn prathamāyāṃ rohati bhūtaṃ bhavadbhaviṣyattānevāvarundhe trīn madhyamāyā rohatyātmānaṃ prajāṃ paśūṃstānevāvarundhe trīnuttamāyāṃ rohati traya ime lokā
eṣveva lokeṣu prati tiṣṭhati

72.8

sarvvān kāmānavarundhe ya evaṃ vidvāne bṛhato rohānrohati

72.9

vajreṇa vā etaḥ prastotodgātāramabhipravarttayati yadrathantaraṃ prastauti samudramantarddhāyodgāyedbhāgityādeyaṃ vvāgvaisamudraḥ samudramevāntardadhātyahiṃsāyai

72.10

balavadgeyaṃ tvajramevaṃ pravṛttaṃ pratyudgṛhṇāti

72.11

balbalā kurvvatā geyamabhilobhayateva tvajramevābhilobhayati

72.12

kṣipraṅgeyaṃ svargasya lokasya samaṣṭyai

72.13

devaratho vai rathantaramakṣareṇākṣareṇa pratiṣṭhāpayatodgeyamareṇāreṇa hi rathaḥ pratitiṣṭhati

72.14

yo vai devarathamananvālabhyātiṣṭhatyavāsmātpadyata iyaṃ
vai devaratha imāmālabhyodgāyennāsmādavapadyate

72.15

īśvaraṃ vai rathantaramudgātṛścakṣuḥ pramathitoḥ prastūyamāne
sammaleigtsva̱rdṛśaṃ prativīkṣeta nainañcakṣurjahāti

72.16

prajananaṃ vai rathantaraṃ yattasthuṣa ityāhāsthāyukodgāturvāgbhavatyapi prajanana m̐ hantyasthuṣa iti vaktavya m̐ susthuṣa iti vā sthāyukodgātṛrvāgbhavati na prajananamapi
hanti

72.17

pṛṣṭhāni vā asṛjyanta tairdevāḥ svargam̐ lokamāya m̐steṣāmam̐ rathantarammahimnā nāśaknodutpatat

72.18

tasya vāśiṣṭho mahimno vinidhāya tena stutvā svargaṃm̐
lokamaittān saṃbhṛtyodgāyeta

72.19

yaste goṣu mahimā yaste apsu rathe vā te stanayitnau ya u te yaste agnau mahimā tena sambhava rathantara
draviṇavanna edhi

Linked texts (4)