Vimshabrahmana 93

Viṃśabrāhmaṇa 93

yadi dīkṣitānāṃ pramīyeta dagdhvā'sthīnyupanahya yo
nediṣṭī syāttaṃ dīkṣitvā saha yajeran

etadanyata kuryuurabhiṣutyā'nyatsomamagṛhītvā grahān yo'sau dakṣiṇā sraktistadvā stuyurmārjālīye vā

api vā etasya yajñe yo dīkṣitaḥ pramīyate tametena
niravadayante

(1)yāmena stuvanti yamalokamevainaṃ gamayanti

tisṛbhiḥ stuvanti tṛtīye hi loke pitaraḥ

parācībhiḥ stuvanti parāṅghīto'sau lokaḥ

(2)sarparājñyā ṛgbhiḥ stuvanti

arbudaḥ sarpa etābhirmṛtāṃ tvacamapāhata mṛtāmevaitābhistvacamapaghnate

tā ṛco'nubruvantastrirmārjālīyaṃ pariyanti savyānūrūnāghnānāḥ

stutamanuśaṃsantyamuṣminnevainaṃ loke nidhnuvanti

yanti vā ete patha ityāhurye mṛtāya kurvantītyaindravāyavāgrān grahān gṛhṇate punaḥ panthānamapiyanti

'agna āyūṃṣi pavasa' iti pratipatkaryyā ya eva
jīvanti teṣvāyurdadhāti

saṃvatsare'sthīni yājayeyuḥ saṃvatsaro vai sarvvasya
śāntiryatpurā saṃvatsarādyājayeyurvācamaruṣkṛtāṃ krūrāmṛccheyuḥ

asammitaṃ stotraṃ syādasammatau hyasau lokastrivṛtaḥ pavamānāḥ syuḥ saptadaśamitaratatsarvvam

yattitravṛtaḥ pavamānā bhavanti prāṇā vai trivṛtprāṇānevopayanti yatsaptadaśamitarat sarvvaṃ prajāpatirvvai saptadaśaḥ
prajāpatimevopayanti

prāṇāpānairvvā ete vyṛdhyanta ityāhuryye mṛtāya kurvvantīti maitrāvaruṇāgrān grahān gṛhṇate prāṇāpānau mitrāvaruṇau prāṇāpānaireva samṛdhyante

Linked texts (4)