Angirasi 39

Aṅgirasī 39

Language: Sanskrit

39.1

ṛṣiḥ- śambhūḥ || devatā- 1, 3 jarimā, āyuḥ; 2 mitrāvaruṇau; 4, 5 dyāvāpṛthivyādayaḥ
chandaḥ- 1 jagatī; 2-4 triṣṭup; 5 bhurik triṣṭup
tubhye̍me̱va ja̍rimanva̍rdhatāma̱yaṃ memama̱nye mṛ̱tyavo̍ hiṃsiṣuḥ śa̱taṃ ye
mā̱teva̍ pu̱traṃ prama̍nā u̱pasthe̍ mi̱tra ena̍ṃ mi̱triyā̍tpātvaṃha̍saḥ

39.2

mitra enaṃ varuṇo vā ri̱śādā̍ ja̱rāmṛ̱tyuṃ kṛ̍ṇutāṃ saṃvidā̱nau
tada̱gnirhotā̍ va̱yunā̍ni vi̱dvānviśvā̍ de̱vānā̱ṃ jani̍mā vivakti

39.3

tvamī̍śiṣe pa̱śūnāṃ pārthi̍vānā̱ṃ ye jā̱tā uta vā ye jani̍trāḥ
memaṃ prā̱ṇo hā̍sī̱nmo a̍pā̱no mema̍ṃ mi̱trā va̍dhiṣu̱rmo ami̍trāḥ

39.4

dyauṣṭvā̍ pi̱tā pṛ̍thi̱vī mā̱tā ja̱rāmṛ̱tyuṃ kṛ̍ṇutāṃ saṃvidā̱ne
yathā̱ jīvā̱ adi̍terupa̱sthe prā̱ṇā̱pā̱nābhyā̍ṃ gupi̱taḥ śa̱taṃ himā̍:

39.5

i̱mama̍gna̱ āyu̍ṣe̱ varca̍se naya pri̱yaṃ reto̍ varuṇa mitra rājan
mā̱tevā̍smā adite̱ śarma̍ yaccha̱ viśve̍ devā ja̱rada̍ṣṭi̱ryathāsa̍t

Linked texts (4)

Atharvaveda — Sanskrit
Śaunakasaṃhitā — Sanskrit
Vedāmṛta — Śrīpāda Dāmodara Sātavalekara, Sanskrit
Paippalādaśākhā — Sanskrit