Pramāṇa · Search · About · API

Arshika 99

Ārṣika 99

Language
Sanskrit

Contents

99.1

sakhā̍ya̱ ā ni ṣī̍data punā̱nāya̱ pra gā̍yata
śiśu̱ṃ na ya̱jñaiḥ pari̍ bhūṣata śri̱ye

99.2

samī̍ va̱tsaṃ na mātṛ̍bhiḥ sṛ̱jatā̍ gaya̱sādha̍nam
devāvyā̍ṃ mada̱mabhi dviśava̍sam

99.3

pu̱nā̱tā dakṣa̍sādhana̱ṃ yathā̱ śardhāya̍ vī̱taye̍
yathā̍ mi̱trāya̱ varu̍ṇāya̱ śaṃta̍mam

99.1-2

9
pra vā̱jya̍kṣāḥ sahasradhārastira̍ḥ pa̱vitra̍ vi̱vāra̍mavyam

99.2-2

sa vā̱jya̍kṣāḥ sahasraretā a̱dbhirmṛ̍jāno gobhi̍ḥ śrīṇā̱naḥ

99.3-2

pra soma̍ yāhīndra̍sya ku̱kṣā nṛbhi̍ryemā̱ṇo adri̍bhiḥ su̱taḥ

99.1-3

10
ye somā̍saḥ parā̱vati̱ ye a̱rvāva̍ti sunvi̱re | ye vāda̱ḥ śarya̍ṇāvati

99.2-3

ya ārjīkeṣv kṛtva̍su̱ ye madhye̍ pastyā̍nām | ye vā̱ jane̍ṣu̱ paṃca̍su

99.3-3

te no̱ vṛṣṭi̍ṃ di̱vaspari̍ pavaṃtāmā su̱vīrya̍m | svānā de̱vāsa̱ iṃda̍vaḥ

99.1-4

11
ā te̍ va̱tso mano̍ yamatpara̱mācci̱tsadha̍sthāt | agne̱ tvāṃ kāma̍ye gi̱rā

99.2-4

puru̱trā hi sadba̍ṅsi̱ diśo̱ viśvā̱ anu̍ prabhuḥ | sama̱tsu tvā havāmahe

99.3-4

sama̱tsva̍gnimava̍se vā̱jaya̍ṃto havāmahe | vāje̍ṣu ci̱trarā̍dhasam

99.1-5

12
tvaṃ na̍ iṃdrā bhara̱ ojo̍ nṛ̱mṇāḥ śatakrato vicarṣa̱ṇe
ā vīraṃ pṛ̍tanā̱saha̍m

99.2-5

tvaṃ hi na̍ḥ pi̱tā vaso̱ tvaṃ mā̍tā śatakrato ba̱bhūvi̍tha
athā̍ te su̱mnamī̍mahe

99.3-5

tvāᳲ śuṣminpuruhūta vā̱jaya̍ṃtamupa̍ bruve sa̱haskṛta
sa no̍ rāsva su̱vīrya̍m

99.1-6

13
yadiṃdra̍ citra̱ mai̱ha nāsti̍ vā̱dātamadrivaḥ
rādha̍stanno̍ vidadvasa ubha̱yāha̍styā bhara

99.2-6

yanmanya̍se vare̱ṇyamiṃdra̍ dyu̱kṣaṃ tadā̍ bhara
vidyā̍ma tasya̍ te vayama̱kūpārasya dāvanaḥ

99.3-6

yatte̍ di̱tsu pra̍rādhya̱ṃ mano̍ a̱sti śrutaṃ bṛ̱hat
tena̍ dṛ̱ḍhā ci̍dadriva̱ ā vāja̍ṃ darṣi sātaye

99.3-6.p1

14

99.3-6.p2

iti caturthaḥ prapāṭhakaḥ

Linked texts (6)