Atharvaveda 10.5

Language: Sanskrit

10.5.1

indrasyauja sthendrasya saha sthendrasya balaṃ sthendrasya vīryaṃ sthendrasya nṛmṇaṃ stha .
jiṣṇave yogāya brahmayogairvo yunajmi ..10.5.1..

10.5.2

indrasyauja sthendrasya saha sthendrasya balaṃ sthendrasya vīryaṃ sthendrasya nṛmṇaṃ stha .
jiṣṇave yogāya kṣatrayogairvo yunajmi ..10.5.2..

10.5.3

indrasyauja sthendrasya saha sthendrasya balaṃ sthendrasya vīryaṃ sthendrasya nṛmṇaṃ stha .
jiṣṇave yogāyendrayogairvo yunajmi ..10.5.3..

10.5.4

indrasyauja sthendrasya saha sthendrasya balaṃ sthendrasya vīryaṃ sthendrasya nṛmṇaṃ stha .
jiṣṇave yogāya somayogairvo yunajmi ..10.5.4..

10.5.5

indrasyauja sthendrasya saha sthendrasya balaṃ sthendrasya vīryaṃ sthendrasya nṛmṇaṃ stha .
jiṣṇave yogāyāpsuyogairvo yunajmi ..10.5.5..

10.5.6

indrasyauja sthendrasya saha sthendrasya balaṃ sthendrasya vīryaṃ sthendrasya nṛmṇaṃ stha .
jiṣṇave yogāya viśvāni mā bhūtānyupa tiṣṭhantu yuktā ma āpa stha ..10.5.6..

10.5.7

agnerbhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.7..

10.5.8

indrasya bhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.8..

10.5.9

somasya bhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.9..

10.5.10

varuṇasya bhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.10..

10.5.11

mitrāvaruṇayorbhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.11..

10.5.12

yamasya bhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.12..

10.5.13

pitṝṇāṃ bhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.13..

10.5.14

devasya saviturbhāga stha apāṃ śukramāpo devīrvarco asmāsu dhatta .
prajāpatervo dhāmnāsmai lokāya sādaye ..10.5.14..

yo va āpo'pāṃ bhāgo'psvantaryajuṣyo devayajanaḥ .
idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .
taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.15 ..

10.5.16

yo va āpo'pāmūrmirapsvantaryajuṣyo devayajanaḥ .
idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .
taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.16 ..

10.5.17

yo va āpo'pāṃ vatso'psvantaryajuṣyo devayajanaḥ .
idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .
taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.17 ..

10.5.18

yo va āpo'pāṃ vṛṣabho'psvantaryajuṣyo devayajanaḥ .. idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .. taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.18 ..

10.5.19

yo va āpo'pāṃ hiraṇyagarbho'psvantaryajuṣyo devayajanaḥ .
idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .
taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.19 ..

10.5.20

yo va āpo'pāmaśmā pṛśnirdivyo'psvantaryajuṣyo devayajanaḥ .
idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .
taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.20 ..

10.5.21

yo va āpo'pāmagnayo'psvantaryajuṣyo devayajanaḥ .
idaṃ tamati sṛjāmi taṃ mābhyavanikṣi .
tena tamabhyatisṛjāmo yo'smān dveṣṭi yaṃ vayaṃ dviṣmaḥ .
taṃ vadheyaṃ taṃ stṛṣīyānena brahmaṇānena karmaṇānayā menyā .. 10.5.21 ..

10.5.22

yadarvācīnaṃ traihāyaṇādanṛtaṃ kiṃ codima .
āpo mā tasmātsarvasmādduritātpāntvaṃhasaḥ ..10.5.22..

10.5.23

samudraṃ vaḥ pra hiṇomi svāṃ yonimapītana .
ariṣṭāḥ sarvahāyaso mā ca naḥ kiṃ canāmamat..10.5.23..

10.5.24

ariprā āpo apa ripramasmat.
prāsmadeno duritaṃ supratīkāḥ pra duṣvapnyaṃ pra malaṃ vahantu ..10.5.24..

10.5.25

viṣṇoḥ kramo'si sapatnahā pṛthivīsaṃśito'gnitejāḥ .
pṛthivīmanu vi krame'haṃ pṛthivyāstaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.25..

10.5.26

viṣṇoḥ kramo'si sapatnahāntarikṣasaṃśito vāyutejāḥ .
antarikṣamanu vi krame'hamantarikṣāttaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.26..

10.5.27

viṣṇoḥ kramo'si sapatnahā dyausaṃśitaḥ sūryatejāḥ .
divamanu vi krame'haṃ divastaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.27..

10.5.28

viṣṇoḥ kramo'si sapatnahā diksaṃśito manastejāḥ .
diśo anu vi krame'haṃ digbhyastaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.28..

10.5.29

viṣṇoḥ kramo'si sapatnahāśāsaṃśito vātatejāḥ .
āśā anu vi krame'hamāśābhyastaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.29..

10.5.30

viṣṇoḥ kramo'si sapatnahā ṛksaṃśito sāmatejāḥ .
ṛco'nu vi krame'hamṛgbhyastaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.30..

10.5.31

viṣṇoḥ kramo'si sapatnahā yajñasaṃśito brahmatejāḥ .
yajñamanu vi krame'haṃ yajñāttaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.31..

10.5.32

viṣṇoḥ kramo'si sapatnahauṣadhīsaṃśito somatejāḥ .
oṣadhīranu vi krame'hamoṣadhībhyastaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.10.5.32..

10.5.33

viṣṇoḥ kramo'si sapatnahāpsusaṃśito varuṇatejāḥ .
apo'nu vi krame'hamadbhyastaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.33..

10.5.34

viṣṇoḥ kramo'si sapatnahā kṛṣisaṃśito'nnatejāḥ .
kṛṣimanu vi krame'haṃ kṛṣyāstaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.34..

10.5.35

viṣṇoḥ kramo'si sapatnahā prāṇasaṃśitaḥ puruṣatejāḥ .
prāṇamanu vi krame'haṃ prāṇāttaṃ nirbhajāmo yo'smān dveṣṭi yaṃ vayaṃ dviṣmaḥ .
sa mā jīvīttaṃ prāṇo jahātu ..10.5.35..

10.5.36

jitamasmākamudbhinnamasmākamabhyaṣṭhāṃ viśvāḥ pṛtanā arātīḥ .
idamahamāmuṣyāyaṇasyāmuṣyāḥ putrasya varcastejaḥ prāṇamāyurni veṣṭayāmīdamenamadharāñcaṃ pādayāmi ..10.5.36..

10.5.37

sūryasyāvṛtamanvāvarte dakṣiṇāmanvāvṛtam .
sā me draviṇaṃ yacchatu sā me brāhmaṇavarcasam ..10.5.37..

10.5.38

diśo jyotiṣmatīrabhyāvarte .
tā me draviṇaṃ yacchantu tā me brāhmaṇavarcasam ..10.5.38..

10.5.39

saptaṛṣīn abhyāvarte .
te me draviṇaṃ yacchantu te me brāhmaṇavarcasam ..10.5.39..

10.5.40

brahmābhyāvarte .
tan me draviṇaṃ yacchantu tan me brāhmaṇavarcasam ..10.5.40..

10.5.41

brāhmaṇāmabhyāvarte .
te me draviṇaṃ yacchantu te me brāhmaṇavarcasam ..10.5.41..

10.5.42

yaṃ vayaṃ mṛgayāmahe taṃ vadhai stṛṇavāmahai .
vyātte parameṣṭhino brahmaṇāpīpadāma tam ..10.5.42..

10.5.43

vaiśvānarasya daṃṣṭrābhyāṃ hetistaṃ samadhādabhi .
iyaṃ taṃ psātvāhutiḥ samiddevī sahīyasī ..10.5.43..

10.5.44

rājño varuṇasya bandho'si .
so'mumāmuṣyāyaṇamamuṣyāḥ putramanne prāṇe badhāna ..10.5.44..

10.5.45

yatte annaṃ bhuvaspata ākṣiyati pṛthivīmanu .
tasya nastvaṃ bhuvaspate saṃprayaccha prajāpate ..10.5.45..

10.5.46

apo divyā acāyiṣaṃ rasena samapṛkṣmahi .
payasvān agna āgamaṃ taṃ mā saṃ sṛja varcasā ..10.5.46..

10.5.47

saṃ māgne varcasā sṛja saṃ prajayā samāyuṣā .
vidyurme asya devā indro vidyātsaha ṛṣibhiḥ ..10.5.47..

10.5.48

yadagne adya mithunā śapato yadvācastṛṣṭaṃ janayanta rebhāḥ .
manyormanasaḥ śaravyā jāyate yā tayā vidhya hṛdaye yātudhānān ..10.5.48..

10.5.49

parā śṛṇīhi tapasā yātudhānān parāgne rakṣo harasā śṛṇīhi .
parārciṣā mūradevāṃ chṛṇīhi parāsutṛpaḥ śośucataḥ śṛṇīhi ..10.5.49..

10.5.50

apāmasmai vajraṃ pra harāmi caturbhṛṣṭiṃ śīrṣabhidyāya vidvān .
so asyāṅgāni pra śṛṇātu sarvā tan me devā anu jānantu viśve ..10.5.50..

10.5.50_1

jiṣṇurupari saṃkṣipta ṭippaṇī

10.5.50_2

jiṣṇurupari paurāṇikasaṃdarbhāḥ

10.5.50_3

jiṣṇuyogopari sukarmapālasiṃhatomarasya ṭippaṇī

10.5.50_4

10.5.25-35 viṣṇoḥ kramaṇasya purāṇeṣu vikramādityarūpeṇa vyākhyā

10.5.50_5

kapālaśabde kramaṇasya kathanam

Linked texts (2)

Śaunakasaṃhitā — Sanskrit
Aṅgirasī — Sanskrit