Atharvaveda 13.3

Language: Sanskrit

13.3.2

13.3
ya ime dyāvāpṛthivī jajāna yo drāpiṃ kṛtvā bhuvanāni vaste .
yasmin kṣiyanti pradiśaḥ ṣaḍurvīryāḥ pataṅgo anu vicākaśīti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
yasmādvātā ṛtuthā pavante yasmātsamudrā adhi vikṣaranti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..2..

13.3.3

yo mārayati prāṇayati yasmātprāṇanti bhuvanāni viśvā .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..3..

13.3.4

yaḥ prāṇena dyāvāpṛthivī tarpayatyapānena samudrasya jaṭharaṃ yaḥ piparti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..4..

13.3.5

yasmin virāṭparameṣṭhī prajāpatiragnirvaiśvānaraḥ saha paṅktyā śritaḥ .
yaḥ parasya prāṇaṃ paramasya teja ādade .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..5..

13.3.6

yasmin ṣaḍurvīḥ pañca diśo adhiśritāścatasra āpo yajñasya trayo'kṣarāḥ .
yo antarā rodasī kruddhaścakṣuṣaikṣata .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..6..

13.3.7

yo annādo annapatirbabhūva brahmaṇaspatiruta yaḥ .
bhūto bhaviṣyatbhuvanasya yaspatiḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..7..

13.3.8

ahorātrairvimitaṃ triṃśadaṅgaṃ trayodaśaṃ māsaṃ yo nirmimīte .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..8..

13.3.9

kṛsṇaṃ niyānaṃ harayaḥ suparṇā apo vasānā divamutpatanti .
ta āvavṛtrantsadanādṛtasya .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..9..

13.3.10

yatte candraṃ kaśyapa rocanāvadyatsaṃhitaṃ puṣkalaṃ citrabhānu yasmintsūryā ārpitāḥ sapta sākam .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..10..

13.3.11

bṛhadenamanu vaste purastādrathaṃtaraṃ prati gṛhṇāti paścāt.
jyotirvasāne sadamapramādam.
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..11..

13.3.12

bṛhadanyataḥ pakṣa āsīdrathaṃtaramanyataḥ sabale sadhrīcī .
yadrohitamajanayanta devāḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..12..

13.3.13

sa varuṇaḥ sāyamagnirbhavati sa mitro bhavati prātarudyan .
sa savitā bhūtvāntarikṣeṇa yāti sa indro bhūtvā tapati madhyato divam .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..13..

13.3.14

sahasrāhṇyaṃ viyatāvasya pakṣau harerhaṃsasya patataḥ svargam .
sa devāntsarvān urasyupadadya saṃpaśyan yāti bhuvanāni viśvā .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..14..

13.3.15

ayaṃ sa devo apsvantaḥ sahasramūlaḥ paruśāko attriḥ .
ya idaṃ viśvaṃ bhuvanaṃ jajāna .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..15..

13.3.16

śukraṃ vahanti harayo raghuṣyado devaṃ divi varcasā bhrājamānam .
yasyordhvā divaṃ tanvastapantyarvāṅsuvarṇaiḥ paṭarairvi bhāti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..16..

13.3.17

yenādityān haritaḥ samvahanti yena yajñena bahavo yanti prajānantaḥ .
yadekaṃ jyotirbahudhā vibhāti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..17..

13.3.18

sapta yuñjanti rathamekacakrameko aśvo vahati saptanāmā .
trinābhi cakramajaramanarvaṃ yatremā viśvā bhuvanādhi tasthuḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..18..

13.3.19

aṣṭadhā yukto vahati vahnirugraḥ pitā devānāṃ janitā matīnām .
ṛtasya tantuṃ manasā mimānaḥ sarvā diśaḥ pavate mātariśvā .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..19..

13.3.20

samyañcaṃ tantuṃ pradiśo'nu sarvā antargāyatryāmamṛtasya garbhe .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..20..

13.3.21

nimrucastisro vyuṣo ha tisrastrīṇi rajāṃsi divo aṅga tisraḥ .
vidmā te agne tredhā janitraṃ tredhā devānāṃ janimāni vidma .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..21..

13.3.22

vi ya aurṇotpṛthivīṃ jāyamāna ā samudramadadhātantarikṣe .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..22..

13.3.23

tvamagne kratubhiḥ ketubhirhito'rkaḥ samiddha udarocathā divi .
kimabhyārcan marutaḥ pṛśnimātaro yadrohitamajanayanta devāḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..23..

13.3.24

ya ātmadā baladā yasya viśva upāsate praśiṣaṃ yasya devāḥ .
yo'syeśe dvipado yaścatuṣpadaḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..24..

13.3.25

ekapāddvipado bhūyo vi cakrame dvipāttripādamabhyeti paścāt.
catuṣpāccakre dvipadāmabhisvare saṃpaśyan paṅktimupatiṣṭhamānaḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..25..

13.3.26

kṛṣṇāyāḥ putro arjuno rātryā vatso'jāyata .
sa ha dyāmadhi rohati ruho ruroha rohitaḥ ..26..

Linked texts (2)

Śaunakasaṃhitā — Sanskrit
Vedopadeśa — Rājārāma, Sanskrit