Atharvaveda 3.6.8_7

3.6.8_7

he vaibādha . vividhaṃ bādhate kaṇṭakairiti vibādhaḥ khadiraḥ . tatrotpanno vaibādhaḥ. 'tatra jātaḥ' ( pā 4,3,25) ityaṇ . tādṛśa aśvattha tadvikāramaṇe . vikāre prakṛtiśabdaḥ. dodhataḥ bhṛśaṃ kampayitṝn . dhūño yaṅlugantāt śatari antyalopaśchāndasaḥ. 'abhyastānāmādiḥ' (pā 6,1,189) ityādyudāttatvam . īdṛśān tān uktāna vividhāna śatrūn niḥ śṛṇīhi niḥśeṣaṃ ghātaya . śṝ hiṃsāyām kryādiḥ . pvāditvāt hrasvatvam . maṇeḥ śatruhananasāmarthyaṃ darśayati indreṇa ityādinā . vṛtraghnā vṛtrākhyam asuraṃ hatavatā . hanteḥ 'brahmabhrūṇavṛtreṣu kvip' (pā 3,2,87 ) iti bhūte kāle kvip . kṛduttarapadaprakṛtisvaratve allope 'anudāttasya ca yatrodāttalopaḥ' (pā 6,1,161) iti vibhakterudāttatvam . tādṛśena indreṇa mitreṇa varuṇena ca medī snehī . indrādibhiḥ śatruhananasāmarthyaṃ sāram āpādito'yam āśvattho maṇirityarthaḥ. ñimidā snehe . grahāditvād ṇiniḥ. ghañantād vā matvarthīya iniḥ.
yathā̭śvattha ni॒rabha̭no॒ 'ntarma̭ha॒tya̭rṇa॒ve.
e॒vā tāntsarvā॒nnirbha̭ṅgdhi॒ yāna॒haṃ dveṣmi॒ ye ca॒ mām ..3..