Atharvaveda 3.8.6_7

3.8.6_7

he kāminyaḥ yūyam ihet . it ityavadhāraṇe . iheva kanyāsamīpadeśa eva asātha bhavata vartadhvam . asterleṭi āḍāgamaḥ . puraḥ purastād na gamātha. anetṛkāḥ satyo na gacchata . pura iti . 'pūrvādharāvarāṇāmasi puradhavaścaiṣām' (pā 5,3,39) iti asipratyayaḥ tatsaṃniyogena pūrvaśabdasya purādeśaśca . gamātha . gamerleṭi āḍāgamaḥ. chāndasaḥ śapo luk . īryaḥ mārgaprerako gopāḥ gopāyitā pālayitā puṣṭapatiḥ . puṣṭaṃ poṣaḥ tasya patiḥ poṣayitā . pūṣā deva ityarthaḥ. 'pūṣā'poṣayat' (taibrā 1,6,2,2) iti hi śrutiḥ . īdṛśo devo vaḥ yuṣmān ājat prerayatu . aja gatikṣepaṇayoḥ. īrya iti. īra gatau . asmād ṇyantād ‘aco yat' (pā 3,1,97) iti vyatyayena kartari yat . gopāḥ . gupū rakṣaṇe . 'gupūdhūpavicchi' (pā 3,1,28) iti āyapratyayaḥ. tadantāt kvip . ato lope 'verapṛktalopād valilopo balīyān' (pāvā 6,1,67) iti yalopaḥ. tathā kāmāya kāmayamānāya . kāmayateḥ pacādyac . asmai varāya . yadvā kāmaḥ kāmanā. bhāve ghañ . asmai iti ṣaṣṭhyarthe caturthī . asya varasya kāmāya upa tatsamīpe kāminīḥ kāmaḥ kāmyamānaṃ phalam tad āsu vidyata iti kāminyaḥ striyo gāvaḥ. matvarthīya iniḥ. yadvā kāmayamānāḥ . grahāditvād (pā 3,1,134) ṇiniḥ . īdṛśīḥ vaḥ yuṣmān viśve devā upasaṃyantu upagamayantu. iṇ gatau. asmāt loṭi 'iṇo yaṇ' (pā 6,4,81) iti yaṇ.
saṃ vo॒ manā̭ṃsi॒ saṃ vra॒tā samākṷ̄tīrnamāmasi.
a॒mī ye vivra̭tā॒ sthana॒ tānva॒ḥ saṃ na̭mayāmasi ..5..
sam . vaḥ . manāṃsi . sam . vratā . sam . ā'kūtīḥ . namāmasi .
amī iti . ye . vi'vratāḥ . sthana . tān . vaḥ . sam . namayāmasi .. 5 ..