Atharvaveda 6.73: sūktaṃ 6.073
Atharvaveda 6.73
- Language
- Sanskrit
sūktaṃ 6.073
6.73.1
eha yātu varuṇaḥ somo agnirbṛhaspatirvasubhireha yātu .
asya śriyamupasaṃyāta sarva ugrasya cettuḥ saṃmanasaḥ sajātāḥ ..1..
6.73.2
yo vaḥ śuṣmo hṛdayeṣvantarākūtiryā vo manasi praviṣṭā .
tāntsīvayāmi haviṣā ghṛtena mayi sajātā ramatirvo astu ..2..
6.73.3
ihaiva sta māpa yātādhyasmatpūṣā parastādapathaṃ vaḥ kṛṇotu .
vāstoṣpatiranu vo johavītu mayi sajātā ramatiḥ vo astu ..3..