Atharvaveda 8.8

Language: Sanskrit

8.8.1

indro manthatu manthitā śakraḥ śūraḥ puraṃdaraḥ .
yathā hanāma senā amitrāṇāṃ sahasraśaḥ ..1..

8.8.2

pūtirajjurupadhmānī pūtiṃ senāṃ kṛṇotvamūm .
dhūmamagniṃ parādṛśyā'mitrā hṛtsvā dadhatāṃ bhayam ..2..

8.8.3

amūn aśvattha niḥ śṛṇīhi khādāmūn khadirājiram .
tājadbhaṅga iva bhajyantāṃ hantvenān vadhako vadhaiḥ ..3..

8.8.4

paruṣān amūn paruṣāhvaḥ kṛṇotu hantvenān vadhako vadhaiḥ .
kṣipraṃ śara iva bhajyantāṃ bṛhajjālena saṃditāḥ ..4..

8.8.5

antarikṣaṃ jālamāsījjāladaṇḍā diśo mahīḥ .
tenābhidhāya dasyūnāṃ śakraḥ senāmapāvapat..5..

8.8.6

bṛhaddhi jālaṃ bṛhataḥ śakrasya vājinīvataḥ .
tena śatrūn abhi sarvān nyubja yathā na mucyātai katamaścanaiṣām ..6..

8.8.7

bṛhatte jālaṃ bṛhata indra śūra sahasrārghasya śatavīryasya .
tena śataṃ sahasramayutaṃ nyarbudaṃ jaghāna śakro dasyūnāmabhidhāya senayā ..7..

8.8.8

ayaṃ loko jālamāsīcchakrasya mahato mahān .
tenāhamindrajālenāmūṃstamasābhi dadhāmi sarvān ..8..

8.8.9

sedirugrā vyṛddhirārtiścānapavācanā .
śramastandrīśca mohaśca tairamūn abhi dadhāmi sarvān ..9..

8.8.10

mṛtyave'mūn pra yachāmi mṛtyupāśairamī sitāḥ .
mṛtyorye aghalā dūtāstebhya enān prati nayāmi baddhvā ..10..

8.8.11

nayatāmūn mṛtyudūtā yamadūtā apombhata .
paraḥsahasrā hanyantāṃ tṛṇeḍhvenān matyaṃ bhavasya ..11..

8.8.12

sādhyā ekaṃ jāladaṇḍamudyatya yantyojasā .
rudrā ekaṃ vasava ekamādityaireka udyataḥ ..12..

8.8.13

viśve devāḥ upariṣṭādubjanto yantvojasā .
madhyena ghnanto yantu senāmaṅgiraso mahīm ..13..

8.8.14

vanaspatīn vānaspatyān oṣadhīruta vīrudhaḥ .
dvipāccatuṣpādiṣṇāmi yathā senāmamūṃ hanan ..14..

8.8.15

gandharvāpsarasaḥ sarpān devān puṇyajanān pitṝn .
dṛṣṭān adṛṣṭān iṣṇāmi yathā senāmamūṃ hanan ..15..

8.8.16

ima uptā mṛtyupāśā yān ākramya na mucyase .
amuṣyā hantu senāyā idaṃ kūṭaṃ sahasraśaḥ ..16..

8.8.17

gharmaḥ samiddho agnināyaṃ homaḥ sahasrahaḥ .
bhavaśca pṛśnibāhuśca śarva senāmamūṃ hatam ..17..

8.8.18

mṛtyorāṣamā padyantāṃ kṣudhaṃ sediṃ vadhaṃ bhayam .
indraścākṣujālābhyāṃ śarva senāmamūṃ hatam ..18..

8.8.19

parājitāḥ pra trasatāmitrā nuttā dhāvata brahmaṇā .
bṛhaspatipranuttānāṃ māmīṣāṃ moci kaścana ..19..

8.8.20

ava padyantāmeṣāmāyudhāni mā śakan pratidhāmiṣum .
athaiṣāṃ bahu bibhyatāmiṣavaḥ ghnantu marmaṇi ..20..

8.8.21

saṃ krośatāmenān dyāvāpṛthivī samantarikṣaṃ saha devatābhiḥ .
mā jñātāraṃ mā pratiṣṭhāṃ vidanta mitho vighnānā upa yantu mṛtyum ..21..

8.8.22

diśaścatasro'śvataryo devarathasya puroḍāśāḥ śaphā antarikṣamuddhiḥ .
dyāvāpṛthivī pakṣasī ṛtavo'bhīśavo'ntardeśāḥ kimkarā vākparirathyam ..22..

8.8.23

saṃvatsaro rathaḥ parivatsaro rathopastho virāḍīṣāgnī rathamukham .
indraḥ savyaṣṭhāścandramāḥ sārathiḥ ..23..

8.8.24

ito jayeto vi jaya saṃ jaya jaya svāhā .
ime jayantu parāmī jayantāṃ svāhaibhyo durāhāmībhyaḥ .
nīlalohitenāmūn abhyavatanomi ..24..

Linked texts (2)

Paippalādasaṃhitā — Sanskrit
Pippalādaśākhā — Sanskrit