Madhavanukramani 61.1

61.1

manuḥ:—
jñānaniṣṭhā dvijāḥ kecittaponiṣṭhāstathāpare
svādhyāyajñānaniṣṭhāśca karmaniṣṭhāstathāpare
senāpatyaśca rāṣṭraśca daṇḍanetṛtvameva ca
sarvalokādhipatyaśca vedaśāstravidarhati
yathā jātavedo vahnirdahatyārdrānapi drumān
tathā dahati vedajñaḥ karmajandoṣamātmanaḥ
vedavedāṅgatatvajño yatrakutrāśrame vasan
ihaiva loke tiṣṭhansa brahmabhūyāya kalpate
agnebhyo granthinaḥ śreṣṭhā granthibhyo dhāriṇastathā
dhāribhyo jñāninaḥ śreṣṭhā jñānibhyo'dhyavasāyinaḥ
tapo vidyā ca viprasya niśreyasakaraṃ param
tapasā kilbiṣaṃ hanti vidyayāmṛtamaśnute
iti
tyañcidatrimathādhyāyaṃ vyācaravyāsati mādhavaḥ
vedārthasya parārthebhyo vaidoṣyaṃ sampradarśayan
bahuyojanavistīrṇā bahuyojanamāyatāḥ
samudramadhye tiṣṭhante dvīpā bāhyairadhiṣṭhitāḥ