Rigveda 1.5
Ṛgvedabhāṣya (Skandasvāmin) 1.5
- Language
- Sanskrit
1.5
skandasvāmīyam | agnirhotā devānām | kavikratuḥ | kaviśabdo'tra krāntavacanaḥ | na medhāvināma | kratuśabdaḥ prajñānāma karmanāma vā | krāntaṃ gataṃ sarvatrāpratihataṃ prajñānaṃ karma vā yasya sa kavikratuḥ | satyaḥ abhisampādakaḥ | yathābhilaṣitaphalada ityarthaḥ | citraśravastamaḥ | 'cāyṛ pūjāniśāmanayori'tyasya citraṃ pūjanīyam | vicitraparyāyo vā citraśabdaḥ | śrava ityannanāma vā, dhananāma vā, kīrttiparyāyo vā | atiśayena pūjyaṃ vicitraṃ vā annādīnāmanyatamaṃ yasya sa citraśravastamaḥ | devo dānādiguṇaḥ | devebhiḥ | sahayogalakṣaṇā eṣā tṛtīyā | devaiḥ saha | āgamat āgacchatu |
Linked texts (1)
- Ṛgvedasaṃhitā — Sanskrit