Rigveda 19.3

Ṛgvedabhāṣya (Udgītha) 19.3

Language: Sanskrit

19.3

madvyatiriktaṃ puruṣamahanna veda jānāmi | yaḥ puruṣa iti evaṃ bravīti vakti | adevayūn devānakāmayamānānadevāddiṣo'surādīn samaraṇe saṃgrāme | jaghanvān hatavānahamiti | matto'nyassaṃsaṃgrāme śatrūṇāṃ hantā nāstītyarthaḥ | kiñca | yadā yasmin kāle | avākhyat | uttamasya sthāne prathamaḥ | yadāvākhyat avākṛtyaṃ nyakkṛtyamamṛtavat paśyāmi | samaraṇaṃ saṃgrāmaṃ | kīdṛśaṃ ṛghāvat | dvitīyāyā | lugatra draṣṭavyaḥ | ṛghāvantaṃ hiṃsāvantaṃ parasparamatikrūramityarthaḥ | āt tadā | iddha iti padapūraṇau | me mama svabhūtā | vṛṣabhakarmāṇi darpitavṛṣabhasyeva vikrāntāni śatruvadhavanti nirbhayaṃceṣṭitāni | prabruvanti prakathayanti vidvatsaṃghāḥ varṇayanti ||

Previous: 19.2
Next: 19.4
Up: 19

Linked texts (1)

Ṛgvedasaṃhitā — Sanskrit