Apocryphal hymns of the Rigveda (Khilas) 3.17

Ṛgvedakhilāni 3.17

dhruvaidhi poṣyā mayi mahyan tvādād bṛhaspatiḥ./
mayā patyā prajāvatī saṃjīva śaradaś śatam./
vi hi sotor asṛkṣata.//29

avidhavā bhava varṣāṇi śatam sāgram tu suvratā./
tejasvī ca yaśasvī ca dharma patnī pati vratā./

janayad bahu putrāṇi mā ca duhkham labhet kvacit./
bhartā te somapā nityam bhaved dharma parāyaṇaḥ./

aṣṭa putrā bhava tvam ca subhagā ca pati vratā./
bhartuś caiva pitur bhrātur hṛdaya ānandinī sadā./

indrasya tu yathā indrāṇī śrīdharasya yathā śriyā./
śaṃkarasya yathā gaurī tad bhartur api bhartari./

atrer yathā anusūyā syād vasiṣṭhasya apy arundhatī./
kauśikasya yathā satī tathā tvam api bhartari.//