Samhitapadapatha 152
Saṃhitāpadapāṭha 152
- Language
- Sanskrit
152.1
hariḥ oṃ || i̱dam | ū̱rdhvam | tyat | pu̱ru̱'tama̍m | pu̱rastā̍t
jyoti̍ḥ | tama̍saḥ | va̱yuna̍'vat | a̱sthā̱t || nūnam | di̱vaḥ | du̱hi̱tara̍ḥ
vi̱'bhātī̍ḥ | gā̱tum | kṛ̱ṇava̱n | u̱ṣasa̍ḥ | janā̍ya || asthu̍ḥ | ū̱rdhvam
ci̱trāḥ | u̱ṣasa̍ḥ | pu̱rastā̍t | mi̱tāḥ'i̍va | svara̍vaḥ | a̱dhva̱reṣu̍ || vi
ū̱m̐iti̍ | vra̱jasya̍ | tama̍saḥ | dvārā̍ | u̱cchaṃtī̍ḥ | a̱tra̱n | śuca̍yaḥ
pāva̱kāḥ || u̱cchaṃtī̍ḥ | a̱dya | ci̱taya̍ṃta | bhojā̍n | rādha̍ḥ'deyā̍ya
u̱ṣasa̍ḥ | ma̱ghonī̍ḥ || aci̍tre | a̱ntariti̍ | pa̱ṇaya̍ḥ | sa̱saṃtu̍ | abu̍dhyamānāḥ | tama̍saḥ | vi̱'madhye̍ || ku̱vit | saḥ | de̱vīḥ | sa̱naye̍ḥ | nava̍ḥ
vā̱ | yāma̍ḥ | ba̱bhū̱yāt | u̱ṣasa̍ḥ | va̱ḥ | a̱dya || yena̍ | nava̍'gve
aṃgi̍re | daśa̍'gve | sa̱pta'ā̍sye | ra̱vatī̍ḥ | re̱vat | ūṣa̍ || yū̱yam | hi
de̱vīḥ | ṛ̱ta̱yuk'bhi̍ḥ | aśvai̍ḥ | pari̍'prayātha | bhuva̍nāni | sa̱dyaḥ
pra̱'bo̱dhaya̍ṃtīḥ | u̱ṣasa̍ḥ | sa̱saṃta̍m | dvi̱'pāt | catu̍ḥ'pāt | ca̱rathāya
jī̱vam
152.2
kaṃ | svi̱t | ā̱sā̱m | ka̱ta̱mā | pu̱rā̱ṇī | yayā̍ | vi̱'dhānā̍ | vi̱'da̱dhuḥ | ṛ̱bhūṇā̍m || śubhe | yat | śu̱bhrāḥ | u̱ṣasa̍ḥ | cara̍ṃti
na | vi | jñāya̍ṃte | sa̱'dṛśī̍ḥ | a̱juryā̍ḥ || tāḥ | gha̱ | tāḥ | bha̱drāḥ
u̱ṣasa̍ḥ | pu̱rā | ā̱su̱ḥ | a̱bhi̱ṣṭi̱'dyu̍mnāḥ | ṛ̱tajā̍ta'satyāḥ || yāsu̍
ījā̍naḥ | śa̱śa̱māna̍ḥ | u̱kthaiḥ | stu̱van | śaṃsa̍ṃ | dravi̍ṇaṃ | sa̱dyaḥ
āpa̍ || tāḥ | ā | ca̱ra̱ṃti̱ | sa̱ma̱nā | pu̱rastā̍t | sa̱mā̱nata̍ḥ | sa̱ma̱nā
paprathānāḥ || ṛ̱tasya̍ | de̱vīḥ | sada̍saḥ | bu̱dhā̱nāḥ | gavā̍m | na
sargā̍ḥ | u̱ṣasa̍ḥ | ja̱ra̱ṃte̱ || tāḥ | it | nu | e̱va | sa̱ma̱nā | sa̱mā̱nīḥ
amī̍ta'varṇāḥ | u̱ṣasa̍ḥ | ca̱ra̱ṃti̱ || gūha̍ṃtīḥ | abhra̍m | asi̍taṃ | ruśa̍t'bhiḥ | śukrāḥ | ta̱nūbhi̍ḥ | śucayaḥ | rucā̱nāḥ | ra̱yiṃ | diva̍ḥ | du̱hi̱taraḥ | vi̱'bhātī̍ḥ | pra̱jā'va̍ntaṃ | ya̱cchata̱ | a̱smāsu̍ | de̱vīḥ || syo̱nāt | ā | va̱ḥ | prati̍'budhya̍mānāḥ | su̱'vīrya̍sya | pata̍yaḥ | syā̱ma̱
tat | va̱ḥ | di̱va̱ḥ | du̱hi̱tara̱ḥ | vi̱'bhātī̍ḥ | upa̍ | bru̱ve | u̱ṣasa̍ḥ
ya̱jña'ke̍tuḥ || va̱yaṃ | syā̱ma̱ | ya̱śasa̍ḥ | jane̍ṣu | tat | dyauḥ | ca̱
dha̱ttāṃ | pṛ̱thi̱vī | ca̱ | de̱vī
152.3
prati̍ | syā | sū̱narī̍ | janī̍
vi̱'ucchaṃntī̍ | pari̍ | svasu̍ḥ || diva̍ḥ | a̱darśi̱ | du̱hi̱tā | aśvā̍'iva
citrā | a̱ru̱ṣī | mā̱tā | gavā̍ṃ | ṛ̱ta'va̍rī || sakhā̍ | a̱bhū̱t | a̱śvinoḥ | u̱ṣāḥ || uta | sakhā̍ | a̱si̱ | a̱śvino̍ḥ | uta | mā̱tā | gavā̍ṃ
a̱si̱ || uta | u̱ṣaḥ | vasva̍ḥ | ī̱śi̱ṣe̱ || yū̱yat'dve̍ṣasaṃ | tvā̱
ci̱ki̱tvit | sū̱nṛtā̍'vari || prati̍ | stomai̍ḥ | a̱bhu̱tsa̱ma̱hi̱ || prati̍
bha̱drāḥ | a̱dṛ̱kṣa̱ta̱ | gavā̍ṃ | sargā̍ḥ | na | ra̱śmaya̍ḥ || ā | u̱ṣāḥ | a̱prāḥ
u̱ru | jraya̍ḥ || ā'papruṣī̍ | vi̱bhā'va̍ri | vi | ā̱yaḥ | jyoti̍ṣā
tama̍ḥ | upa̍ | anu̍ | sva̱dhāṃ | ava̍ || ā | dyāṃ | ta̱no̱ṣi̱ | ra̱śmi'bhiḥ | ā | a̱ntari̍kṣaṃ | u̱ru | pra̱yaṃ || upa̍ | śukreṇa̍ | śo̱ciṣā̍
152.4
tat | de̱vasya̍ | sa̱vi̱tuḥ | vārya̍ṃ | ma̱hat | vṛ̱ṇī̱ma̱he | amu̍rasya | pra̱'cetasaḥ || cha̱rdiḥ | yena̍ | dā̱śuṣe̍ | yaccha̍ti | tmanā̍ | tat | na̱ḥ
ma̱hān | ut | a̱yā̱n | de̱vaḥ | a̱ktu'bhi̍ḥ || diva̍ḥ | dha̱rtā | bhuva̍nasya | pra̱jā'pa̍tiḥ | piśaṅga̍ṃ | drā̱piṃ | prati̍ | mu̱ṃca̱te̱ | ka̱viḥ | vi̱'ca̱kṣaṇaḥ | pra̱thaya̍n | ā'pṛ̱ṇan | u̱ru | ajī̍janat | sa̱vi̱tā | su̱mnaṃ
u̱kthya̍ṃ || ā | a̱prāḥ | rajā̍ṃsi | di̱vyāni̍ | pārthi̍vā | śloka̍ | de̱vaḥ
kṛ̱ṇu̱te̱ | svāya̍ | dharma̍ṇe || pra | bā̱huti̍ | a̱srā̱k | sa̱vi̱tā | savī̍ma̱ni | ni̱'ve̱śaya̍n | pra̱'su̱van | a̱ktu'bhi̍ḥ | jaga̍t || ada̍bdhaḥ
bhuva̍nāni | pra̱'cāka̍śat | vra̱tāni̍ | de̱vaḥ | sa̱vi̱tā | a̱bhi | ra̱kṣa̱te̱
pra | a̱srā̱k | bā̱huti̍ | bhuva̍nasya | pra̱'jābhya̍ḥ | dhṛ̱ta'vra̍taḥ | ma̱haḥ
a̱jma̍sya | rā̱ja̱ti̱ || triḥ | a̱ntari̍kṣaṃ | sa̱vi̱tā | ma̱hi̱'tva̱nā | trī
rajāṃsi | pari'bhūḥ | trīṇi̍ | rocanā || tisraḥ | diva̍ḥ | pṛthi̱vīḥ
tisraḥ | i̱nva̱ti̱ | tri̱'bhiḥ | vra̱taiḥ | a̱bhi | na̱ḥ | rakṣa̍ti | tmanā̍
bṛha̱t'su̱mnaḥ | pra̱'sa̱vi̱tā | ni̱'veśa̍naḥ | jaga̍taḥ | sthātuḥ | u̱bhaya̍sya | yaḥ | va̱śī || saḥ | na̱ḥ | de̱vaḥ | sa̱vi̱tā | śarma̍ | ya̱ccha̱tu̱
a̱smeiti̍ | kṣayā̍ya | tri̱'varū̍tha | aṃha̍saḥ || ā | a̱ga̱n | de̱vaḥ
ṛ̱tu̱'bhi̍ḥ | vardha̍tu | kṣaya̍m | dadhā̍tu | na̱ḥ | sa̱vi̱tā | su̱'pra̱jām | iṣa̍m
saḥ | na̱ḥ | kṣapā̍bhiḥ | aha̍'bhiḥ | ca̱ | ji̱nva̱tu̱ | pra̱jā'va̍ntaṃ | ra̱yiṃ
a̱smeiti̍ | saṃ | i̱nva̱tu̱
152.5
abhū̍t | de̱vaḥ | sa̱vi̱tā | vaṃdya̍ḥ
nu | na̱ḥ | i̱dānī̍m | aha̍ḥ | u̱pa̱'vācya̍ḥ | nṛ'bhi̍ḥ || vi | yaḥ | ratnā̍
bhaja̍ti | māna̱vebhya̍ḥ | śreṣṭha̍ṃ | na̱ḥ | atra̍ | dravi̍ṇaṃ | yathā̍ | dadha̍t
de̱vebhya̍ḥ | hi | pratha̱maṃ | ya̱jñiyebhya̍ḥ | a̱mṛ̱ta̱'tvaṃ | su̱vasi̍ | bhā̱gaṃ
u̱t'u̱ttamaṃ || āt | it | dāmāna̍ṃ | sa̱vi̱ta̱ḥ | vi | ū̱rṇu̱ṣe̱ | a̱nū̱cīnā̍
jī̱vi̱tā | mānu̍ṣebhyaḥ || aci̍ttī | yat | ca̱kṛ̱ma | daivye̍ | jane̍
dīnai̍ḥ | dakṣai̍ḥ | pra̱'bhūtī̍ | puru̱ṣa̱tvatā̍ || de̱veṣu̍ | ca̱ | sa̱vi̱ta̱ḥ | mānu̍ṣepu | ca̱ | tvaṃ | na̱ḥ | atra̍ | su̱va̱tā̱t | anā̍gasaḥ || na | pra̱'miye̍
sa̱vi̱tuḥ | daivya̍sya | tat | yathā̍ | viśva̍ṃ | bhuva̍naṃ | dhā̱ra̱yi̱ṣyati̍
yat | pṛ̱thi̱vyāḥ | vari̍man | ā | su̱'a̱ṃguli̍ḥ | va̱rman | di̱vaḥ
su̱vati̍ | sa̱tyaṃ | asya̍ | tat || iṃdra̍'jyeṣṭhān | bṛ̱hat'bhya̍ḥ | parva̍tebhyaḥ | kṣayā̍n | e̱bhya̱ḥ | su̱vasi̍ | pa̱stya̍'vataḥ || yathā̍'yathā | pa̱taya̍ntaḥ
vi̱'ye̱mi̱re | e̱va | e̱va | ta̱sthu̱ḥ | sa̱vi̱tariti̍ | sa̱vāya̍ | te || ye
te | triḥ | aha̍n | sa̱vi̱tariti̍ | sa̱vāṃsa̍ḥ | di̱ve'di̍ve | saubha̍gaṃ
ā̱'su̱vaṃti̍ || iṃdra̍ḥ | dyāvā̍pṛthi̱vīiti̍ | siṃdhu̍ḥ | a̱d'bhiḥ
ā̱di̱tyaiḥ | na̱ḥ | adi̍tiḥ | śarma̍ | ya̱ṃsa̱t
152.6
kaḥ | va̱ḥ | trātā̍
va̱rivaḥ | kaḥ | va̱rutā̍ | dyāvā̍bhūmī̱iti̍ | adi̍te | trāsī̍thāṃ | na̱ḥ
sahīṃyasaḥ | varu̍ṇa | mitra̱ | martā̍t | kaḥ | va̱ḥ | a̱dhva̱re | va̱riva̍ḥ
dhā̱ti̱ | de̱vā̱ḥ || pra | ye | dhāmā̍ni | pū̱rvyāṇi̍ | arcan | vi | yat
u̱cchān | vi̱'dyotāra̍ḥ | amū̍rāḥ || vi̱'dhā̱tāra̍ḥ | vi | te | da̱dhuḥ
aja̍strāḥ | ṛ̱ta̱'dhīta̍yaḥ | ru̱ru̱ca̱nta̱ | da̱smāḥ || pra | pa̱styā̍m | adi̍tiṃ
siṃdhu̍m | a̱rkaiḥ | sva̱stiṃ | ī̱ḷe̱ | sa̱khyāya̍ | de̱vīm || u̱bheiti̍ | yathā̍
na̱ḥ | aha̍nī̱iti̍ | ni̱'pāta̍ḥ | u̱ṣasā̱naktā̍ | ka̱ratā̍m | ada̍bdhe̱iti̍
vi | arya̱mā | varu̍ṇaḥ | ceti̱ | paṃthā̍m | i̱ṣaḥ | pati̍ḥ | su̱vi̱taṃ | gā̱tuṃ
a̱gniḥ || iṃdrā̍viṣṇū̱iti̍ | nṛ̱'vat | ī̍iti̍ | su | stavā̍nā | śarma̍
na̱ḥ | ya̱ṃta̱ṃ | arma̍'vat | varū̍thaṃ || ā | parva̍tasya | ma̱rutā̍ṃ | avā̍m̐si
de̱vasya̍ | trā̱tuḥ | a̱driḥ | bhaga̍sya || pā̱t | pati̍ḥ | janyā̍t | aṃha̍saḥ
na̱ḥ | mitra̍ḥ | mi̱triyā̍t | uta | na̱ḥ | u̱ru̱ṣye̱t
Linked texts (3)
- Śākala — Sanskrit
- Āśvalāyanasaṃhitā — Sanskrit
- Ṛgvedasūkta — Sanskrit