Cittiprapathaka 22.6-2

22.6-2

atha navamo'nuvākaḥ
(1)a̱jān ha̱ vai pṛśnī̱ᳵstapa̍syamā̍nā̱n brahma̍ sva̱yaṃ
sva̍ya̱mbhvabhyāna̍rṣa̱t tadṛṣa̍yo'bhava̱ntadṛṣī̍ṇāmṛṣi̱tvantāṃ
de̱vatā̱mupā̍tiṣṭhanta ya̱jñakā̍māsta e̱taṃ bra̍hmaya̱jñama̍paśya̱ntamāhara̱ntenā̍yajanta^(1) | ^(2)yadṛco̱'dhyagī̍ṣata̱ tāḥ paya̍ ā̱hutayo de̱vānā̍mabhava̱nyadyajūṃṣi̍ ghṛ̱tāhu̍tayo̱ yatsāmā̍ni̱ somā̍hutayo̱ yadatha̍rvāṅgi̱raso̱ madhvā̍hutayo̱ yadbrā̍hma̱ṇānī̍tihāsān pu̱rāṇā̍ni̱ kalpā̱n gāthā̍ nārāśam̐so̱ maidā̍hutayo devā̱nāma̍bhavantābhi̱ḥ kṣudha̍ṃ pā̱pmāna̱mapā̍ghnannapaha̱tapā̍pmāno devāḥ sva̱rgaṃ lo̱kamā̍yaṉ brahma̍ṇaḥ sāyu̍jyamṛṣayo'gacchan(9)