Kramapatha 3.6

3.6

kastve̍ti yunakti̱ sarva̍smai̱ vā e̱tasmai̱
sarva̱ṃ kriya̍te̱ yanme̍dhya̱ṃ pratyu̍ṣṭa̱m̐ rakṣa̱ḥ pratyu̍ṣṭā̱ arā̍tayo̱ nirda̍gdha̱m̐
rakṣo̱ nirda̍gdhā̱ arā̍tayo̱ yathai̱vā'daḥ pratyo̍ṣatye̱vame̱vaitatpratyo̍ṣatyu̱
khāyā̱ eva ni̱rdāhā̍ya̱ yadi̱ nāma̍ gṛhṇī̱yāda̍sannaddhaḥ paśū̱nabhi̱
padye̍tā̱nirva̍ṇāya̱ tvā ya̱jñasyetyā̍hā̱'nirva̍ṇāyai̱vā''na̍tyai̱ yasyai̱
vā e̱taccha̍ṃsā̱yābhi̍hviyate̱ sa e̱naṃ vi̍ndati̱ sa e̍naṃ gṛhṇāti̱ kastvā̍
yunakti̱ sa tvā̍ yunakti̱ kasmai̍ tvā yunakti̱ tasmai̍ tvā yunaktītyā̍hā̱''yu̍re̱vā'smi̱n dadhā̱tyāyu̍rvai kasmā̍''yu̱re̱vā''tman dha̍tte