Padapatha 135.2

135.2

saḥ | pava̱sva̱ | madā̍ya | kaṃ | nṛ̱'cakṣā̍ḥ | de̱va̱'vīta̍ye
iṃdo̱iti̍ | iṃdrā̍ya | pī̱taye̍ || saḥ | na̱ḥ | arṣa̍ | a̱bhi | dū̱tya̍ṃ | tvaṃ
iṃdrā̍ya | tośa̍se | de̱vān | sakhi̍'bhyaḥ | ā | vara̍ṃ || u̱ta | tvāṃ
a̱ru̱ṇaṃ | va̱yaṃ | gobhi̍ḥ | ai̱ñjma̱ḥ | madā̍ya | kaṃ | vi | na̱ḥ | rā̱ye | dura̍ḥ
vṛ̱dhi̱ || ati̍ | ū̱m̐iti̍ | pa̱vitra̍ṃ | akra̍mīt | vā̱jī | dhura̍ṃ | na
yārma̍ni | iṃdu̍ḥ | de̱veṣu̍ | pa̱tya̱te̱ || saṃ | ī̱miti̍ | sakhā̍yaḥ | a̱sva̱ra̱n
vane̍ | krīḷa̍ntaṃ | ati̍'aviṃ | iṃdu̍ṃ | nāvā̍ | a̱nū̱ṣa̱ta̱ || tayā̍ | pa̱va̱sva̱
dhāra̍yā | yayā̍ | pī̱taḥ | vi̱'cakṣa̍se | iṃdo̱iti̍ | sto̱tre | su̱'vīrya̍ṃ