Padapatha 145.16

145.16

a̱yaṃ | pu̱nā̱naḥ | u̱ṣasa̍ḥ | vi | ro̱ca̱ya̱t | a̱yaṃ | siṃdhu̍'bhyaḥ
a̱bha̱va̱t | ū̱m̐ iti̍ | lo̱ka̱'kṛt | a̱yaṃ | triḥ | sa̱pta | du̱du̱hā̱naḥ
ā̱'śira̍ṃ | soma̍ḥ | hṛ̱de | pa̱va̱te̱ | cāru̍ | ma̱tsara̍ḥ || pava̍sva | soma̍
di̱vyeṣu̍ | dhāma̍'su | sṛ̱jā̱naḥ | indo̱ iti̍ | ka̱laśe̍ | pa̱vitre̍ | ā
sīda̍n | indra̍sya | ja̱ṭhare̍ | kani̍kradat | nṛ̱'bhi̍ḥ | ya̱taḥ | sūrye̍ | ā
a̱ro̱ha̱ya̱ḥ | di̱vi || adri̍'bhiḥ | su̱taḥ | pa̱vase̍ | pa̱vitre̍ | ā
indo̱ iti̍ | indra̍sya | ja̱ṭhare̍ṣu | ā̱'viśan | tvaṃ | nṛ̱'cakṣā̍ḥ | abhavaḥ
vi̱'ca̱kṣaṇa̱ | soma̍ | go̱traṃ | aṃgi̍raḥ'bhyaḥ | a̱vṛ̱ṇo̱ḥ | apa̍ || tvāṃ
soma̍ | pa̱va̱mā̱naṃ | su̱'ādhya̍ḥ | anu̍ | viprā̍saḥ | a̱ma̱da̱n | a̱va̱syava̍ḥ
tvāṃ | su̱'pa̱rṇaḥ | ā | a̱bha̱ra̱t | di̱vaḥ | pari̍ | iṃdo̱iti̍ | viśvā̍bhiḥ
ma̱ti'bhi̍ḥ | pari̍'kṛtaṃ || avye̍ | pu̱nā̱naṃ | pari̍ | vāne̍ | ū̱rmiṇā̍
hari̍ṃ | nava̍ṃte | a̱bhi | sa̱pta | dhe̱nava̍ḥ | a̱pāṃ | u̱pa̱'sthe̍ | adhi̍
āyava̍ḥ | ka̱viṃ | ṛ̱tasya̍ | yonā̍ | ma̱hi̱ṣāḥ | a̱he̱ṣa̱ta̱