Padapatha 145.7

145.7

asā̍vi | soma̍ḥ | a̱ru̱ṣaḥ | vṛṣā̍ | hari̍ḥ
rājā̍'iva | da̱smaḥ | a̱bhi | gāḥ | a̱ci̱kra̱da̱t | pu̱nā̱naḥ | vāra̍m | pari̍
e̱ti̱ | a̱vyaya̍ṃ | śye̱naḥ | na | yoni̍m | ghṛ̱ta̱'vanta̍m | ā̱'sada̍m || ka̱viḥ
ve̱dhasyā̍ | pari̍ | e̱ṣi̱ | ma̱hina̍m | atya̍ḥ | na | sṛ̱ṣṭaḥ | a̱bhi | vāja̍m
arṣasi | apa̍'sedha̱n | du̱ḥ'i̱tā | soma̍ | mṛ̱ḷaya̍ | ghṛ̱taṃ | vasā̍naḥ
pari̍ | yā̱si̱ | ni̱'nirje̍ || pa̱rjanya̍ḥ | pi̱tā | ma̱hi̱ṣasya̍ | pa̱rṇina̍ḥ
nābhā̍ | pṛ̱thi̱vyāḥ | gi̱riṣu̍ | kṣaya̍ṃ | da̱dhe̱ | svasā̍raḥ | āpa̍ḥ | a̱bhi
gāḥ | u̱ta | a̱sra̱ra̱n | saṃ | grāva̍'bhiḥ | na̱sa̱te̱ | vī̱te | a̱dhva̱re
jā̱yā'i̍va | patyau̍ | adhi̍ | śeva̍m | maṃha̍se | pa̱jrāyā̍ḥ | garbha̍m | śṛṇuhi
bravī̍si | te | aṃta̍ḥ | vā̱ṇīṣu̍ | pra | ca̱ra̱ | su̱ | jī̱vasai̍ | a̱ni̱dyaḥ
ja̱jane̍ | soma̍ | jāgṛ̍hi || yathā̍ | pū̱rvebhya̍ḥ | śa̱ta̱'sāḥ | a̱mṛ̱dhraḥ
sa̱ha̱sra̱'sāḥ | pa̱ri̱'aryā̍ḥ | vāja̍m | indo̱iti̍ | e̱va | pa̱va̱sva̱
su̱vi̱tāya̍ | navya̍se | tava̍ | vra̱taṃ | anu̍ | āpa̍ḥ | sa̱ca̱nte̱