Padapatha 151.14

151.14

juṣṭī̍ | na̱ḥ | iṃdo̱ iti̍ | su̱'pa̱thā̍
su̱'gā̱ni̍ | u̱rau | pa̱va̱sva̱ | vari̍vāṃsi | kṛ̱ṇvan | ghṛ̱nā'i̍va | vi̱ṣvak
du̱ḥ'i̱tāni̍ | vi̱'ghnan | adhi̍ | snunā̍ | dhanva̍ | sānau̍ | avye̍ || vṛṣṭi̍
na̱ḥ | arṣa̍ | di̱vyāṃ | ji̱ga̱tnuṃ | iḷā̍'vatīṃ | śa̱ṃ'gayī̍ | jī̱ra'dā̍nuṃ
stu̱kā'i̍va | dhī̱tā | dhanva̍ | vi̱'cinvan | baṃdhū̍n | i̱mān | ava̍rān
iṃdo̱ iti̍ | vā̱yūn || graṃthi̍ṃ | na | vi | sya̱ | gra̱thi̱taṃ | pu̱nā̱naḥ | ṛ̱juṃ
ca̱ | gā̱tuṃ | vṛ̱jina̍ṃ | ca̱ | soma̍ | atya̍ḥ | na | krada̍ḥ | hari̍ḥ | ā
sṛ̱jā̱naḥ | marya̍ḥ | de̱va̱ | dhanva̍ | pa̱stya̍'vān || juṣṭa̍ḥ | madā̍ya | de̱va'tā̍te | iṃdo̱ iti̍ | pari̍ | snunā̍ | dhanva̍ | sānau̍ | avye̍ | sa̱hasra̍'dhāraḥ
su̱ra̱bhiḥ | adi̍bdhaḥ | pari̍ | sra̱va̱ | vāje̍'sātau | nṛ̱'sadye̍ || ara̱hmāṇa̍ḥ
ye | ara̍thāḥ | ayu̍ktāḥ | atyā̍saḥ | na | sa̱sṛ̱jā̱nāsa̍ḥ | ā̱jau
e̱te | śu̱krāsa̍ḥ | dhanva̍ṃti | somā̍ḥ | de̱vāsa̍ḥ | tān | upa̍ | yā̱ta̱
piba̍dhyai