Padapatha 161.30

161.30

janā̍nāṃ | ma̱ṃdhātā̍
a̱si̱ | dravi̱ṇa̱ḥ'dāḥ | ṛ̱ta'vā̍ | svāhā̍ | va̱yaṃ | kṛ̱ṇavā̍ma | ha̱vīṃṣi̍
de̱vaḥ | de̱vān | ya̱ja̱tu̱ | a̱gniḥ | arha̍n || ā | de̱vānā̍ṃ | api̍
paṃthā̍ṃ | a̱ga̱nma̱ | yat | śa̱knavā̍ma | tat | anu̍ | pra̱'voḷhu̍m | a̱gniḥ
vi̱dvān | saḥ | ya̱jā̱t | saḥ | it | ū̱m̐iti̍ | hotā̍ | saḥ | a̱dhva̱rān
saḥ | ṛ̱tūn | ka̱lpa̱yā̱ti̱ || yat | va̱ḥ | va̱yaṃ | pra̱'mi̱nāma̍ | vra̱tāni̍
vi̱duṣā̍ṃ | de̱vā̱ḥ | a̱vi̱duḥ'ta̍rāsaḥ | a̱gniḥ | tat | viśva̍ṃ | ā
pṛ̱ṇā̱ti̱ | vi̱dvān | yebhi̍ḥ | de̱vān | ṛ̱tu'bhi̍ḥ | ka̱lpayā̍ti || yat
pā̱ka̱'trā | mana̍sā | dī̱na'da̍kṣāḥ | na | ya̱jñasya̍ | ma̱nva̱te | martyā̍saḥ
a̱gniḥ | tat | hotā̍ | kra̱tu̱'vit | vi̱'jānan̍ | yaji̍ṣṭhaḥ | de̱vān
ṛ̱tu̱'śaḥ | ya̱jā̱ti̱ || viśve̍ṣāṃ | hi | a̱dhva̱rāṇā̍ṃ | anī̍kaṃ | ci̱traṃ
ke̱tuṃ | ja̱ni̱tā | tvā̱ | ja̱jāne̍ | saḥ | ā | ya̱ja̱sva̱ | nṛ̱'vatī̍ḥ
anu̍ | kṣāḥ | spṛ̱rhāḥ | iṣa̍ḥ | kṣu̱'matī̍ḥ | vi̱śva'ja̍nyāḥ | yaṃ | tvā̱
dyāvā̍pṛthi̱vīiti̍ | yaṃ | tvā̱ | āpa̍ḥ | tvaṣṭā̍ | yaṃ | tvā̱ | su̱'jani̍mā
ja̱jāna̍ | paṃthā̍ṃ | anu̍ | pra̱'vi̱dvān | pi̱tṛ̱'yāna̍ṃ | dyu̱'mat | a̱gne̱
saṃ'i̍dhānaḥ | vi | bhā̱hi̱