Padapatha 22.25

22.25

iti
dvitīyo'nuvākaḥ ||-::-|| pra | śukrā | e̱tu̱ | de̱vī | ma̱nī̱ṣā | a̱smat
su̱'ta̍ṣṭaḥ | ratha̍ḥ | na | vā̱jī | vi̱duḥ | pṛ̱thi̱vyāḥ | di̱vaḥ | ja̱nitra̍ṃ
śṛ̱ṇvaṃtu̍ | āpa̍ḥ | adha̍ | kṣara̍ṃtīḥ | āpa̍ḥ | ci̱t | a̱smai̱ | pi̱nva̱ṃta̱ | pṛ̱thvīḥ
vṛ̱treṣu̍ | śūrā̍ḥ | ma̱ṃsa̱ṃte̱ | u̱grāḥ || ā | dhu̱ḥ'su | a̱smai̱ | da̱dhā̍ta̱
aśvā̍n | iṃdra̍ṃ | na | va̱jrī | hira̍ṇya'bāhuḥ | a̱bhi | pra | sthā̱t
aha̍'iva | ya̱jñaṃ | yā̱tā'iva̍ | patma̍n | tmanā̍ | hi̱no̱tu̱ | tmanā̍
sa̱matsu̍ | hi̱no̱ta̱ | ya̱jñaṃ | da̱dhā̍ta̱ | ke̱tuṃ | janā̍ya | vīraṃ | ut
a̱sya̱ | śuṣmā̍t | bhā̱nuḥ | na | ārta̍ | bi̱bharti̍ | bhāra̍ṃ | pṛ̱thi̱vī
na | bhūma̍ | ha̱yāmi̍ | de̱vān | ayā̍tuḥ | a̱gne̱ | sādha̍n | śru̱tena̍
dhiya̍m | da̱dhāmi̱ | a̱bhi | va̱ḥ | de̱vīm | dhiya̍m | da̱dhi̱dhvam | pra | va̱ḥ
de̱va̱'trā | vāca̍m | kṛ̱ṇu̱dhvam | ā | ca̱ṣṭe̱ | ā̱sā̱m | pātha̍ḥ | na̱dīnā̍m
varu̍ṇaḥ | u̱graḥ | sa̱hasra̍'cakṣāḥ