Padapatha 4.19

4.19

jī̱mūta̍sya'iva | bha̱va̱ti̱
pratī̍kaṃ | yat | varmī̍ | yāti̍ | sa̱'mada̍ṃ | upa̱'sthe̍ || anā̍viddhayā
ta̱nvā̍ | ja̱ya̱ | tvaṃ | saḥ | tvā̱ | varma̍ṇaḥ | ma̱hi̱mā | pi̱pa̱rtu̱ | dhanva̍nā
gāḥ | dhanva̍nā | ā̱jiṃ | ja̱ye̱ma̱ | dhanva̍nā | tī̱vrāḥ | sa̱'mada̍ḥ | ja̱ye̱ma̱
dhanu̍ḥ | śatro̍ḥ | apa̍'kāmaṃ | kṛ̱ṇo̱ti̱ | dhanva̍nā | sarvā̍ḥ | pra̱'diśa̍ḥ
ja̱ye̱ma̱ | va̱kṣyaṃtī̍'iva | it | ā | ga̱nī̱ga̱ṃti̱ | karṇa̍ṃ | pri̱yaṃ | sakhā̍yaṃ
pa̱ri̱'sasva̍jānā || yoṣā̍'iva | śi̱ṃkte | vita̍tā | adhi̍ | dhanva̍n
jyā | i̱yaṃ | sama̍ne | pā̱raya̍tī | te̱iti̍ | ā̱cara̍tī̱ityā̍'cara̍tī
sa̱ma̱nā'i̍va | yoṣā̍ | mā̱tā'i̍va | pu̱traṃ | bi̱bhṛ̱tā̱ṃ | upa̱'sthe̍
apa̍ | śatrū̍n | vi̱dhya̱tā̱ṃ | sa̱ṃvi̱dā̱neiti̍sa̱ṃ'vi̱dā̱ne | ā̱rtīiti̍
i̱me iti̍ | vi̱sphura̍ṃtī̱iti̍vi̱'sphura̍ṃtī | a̱mitrā̍n | ba̱hvīnā̍ṃ | pi̱tā
ba̱huḥ | a̱sya̱ | pu̱traḥ | ci̱ścā | kṛ̱ṇo̱ti̱ | sama̍nā | ava̍'gatya̍
i̱ṣu̱'dhiḥ | saṃkā̍ḥ | pṛrta̍nāḥ | ca̱ | sarvā̍ḥ | pṛ̱ṣṭhe | ni̱'na̍ddhaḥ | ja̱ya̱ti̱
pra̱'sūta̍ḥ