Samhitapadapatha 154.9

154.9

kṣetra̍sya | pati̍nā | va̱yaṃ | hi̱tene̍'iva | ja̱yāma̱si̱ || gāṃ | aśva̍ṃ | poṣayi̱tnu | ā | saḥ | na̱ḥ | mṛ̱ḷā̱ti̱ | ī̱dṛśe̍
kṣetra̍sya | pate̱ | madhu̍'maṃtaṃ | ū̱rmiṃ | dhe̱nuḥ'i̍va | paya̍ḥ | a̱smāsu̍
dhu̱kṣva̱ || madhu̍'ścutaṃ | ghṛ̱taṃ'i̍va | su̱'pūta̍ṃ | ṛ̱tasya̍ | na̱ḥ | pata̍yaḥ
mṛ̱ḷaya̍ntu || madhu̍'matīḥ | oṣa̍dhīḥ | dyāva̍ḥ | āpa̍ḥ | madhu̍'mat | na̱ḥ
bha̱va̱tu̱ | a̱ntari̍kṣaṃ || kṣetra̍sya | pati̍ḥ | madhu̍'mān | na̱ḥ | a̱stu̱
ari̍ṣyantaḥ | anu̍ | e̱na̱ṃ | ca̱re̱ma̱ || śunaṃ | vā̱hāḥ | śunaṃ | nara̍ḥ
śunaṃ | kṛ̱ṣa̱tu̱ | lāṃga̍laṃ || śunaṃ | vara̱trāḥ | ba̱dhya̱ntāṃ | śunaṃ | aṣṭrā̍ṃ
ut | ī̱ṅga̱ya̱ || śunā̍sīrau | i̱māṃ | vāca̍ṃ | ju̱ṣethā̍ṃ | yat | di̱vi
ca̱krathu̍ḥ | paya̍ḥ || tena̍ | i̱māṃ | upa̍ | si̱ñca̱ta̱ṃ || arvācī̍ | su̱'bhage̍
bha̱va̱ | sī̱te | vaṃdā̍mahe | tvā || yathā̍ | na̱ḥ | su̱'bhagā̍ | asā̍si
yathā̍ | na̱ḥ | su̱'phalā̍ | asā̍si || iṃdra̍ḥ | sītā̍ṃ | ni | gṛ̱hṇā̱tu̱
tāṃ | pū̱ṣā | anu̍ | ya̱ccha̱tu̱ || sā | na̱ḥ | paya̍svatī | du̱hā̱ṃ | utta̍rāṃ'uttarāṃ | samā̍ṃ || śunaṃ | na̱ḥ | phālā̍ḥ | vi | kṛ̱ṣa̱ṃtu̱ | bhūmi̍ṃ | śunaṃ
kī̱nāśā̍ḥ | a̱bhi | ya̱ṃtu̱ | vā̱haiḥ || śunaṃ | pa̱rjanya̍ḥ | madhu̍nā | paya̍ḥ'bhiḥ | śunā̍sīrā | śunaṃ | a̱smāsu̍ | dha̱tta̱ṃ