Samhitapadapatha 33.2

33.2

yaḥ | a̱ryaḥ | marta̍'bhojanaṃ
parā̍'dadā̍ti | dā̱śuṣe̍ || iṃdra̍ḥ | a̱smabhya̍ṃ | śikṣatu | vi | bha̱ja̱
bhūri̍ | te̱ | vasu̍ | bha̱kṣī̱ya̱ | tava̍ | rādha̍saḥ || made̍'made | hi | na̱ḥ
da̱diḥ | yūthā̍ | gavā̍ṃ | ṛ̱ju̱'kratu̍ḥ || saṃ | gṛ̱bhā̱ya̱ | pu̱ru | śa̱tā
u̱bha̱yā̱hastyā̍ | vasu̍ | śi̱śī̱hi | rāyaḥ | ā | bhara̍ || mā̱daya̍sva
su̱te | sacā̍ | śava̍se || śū̱ra̱ | rādha̍se || vi̱dma | hi | tvā̱
pu̱ru̱'vasu̍ṃ | upa̍ | kāmān | sa̱sṛ̱jma̱he̱ | atha̍ | na̱ḥ | a̱vi̱tā
bhava̍ || e̱te | te̱ | iṃdra̍ | ja̱ntava̍ḥ | viśvā̍ | pu̱ṣya̱ṃti̱ | vāryā̍
aṃta̍ḥ | hi | khyaḥ | ja̱nānā̍ṃ | a̱ryaḥ | veda̍ḥ | a̱dā̍śuṣāṃ
teṣā̍m | na̱ḥ | veda̍ḥ | ā | bhara̱