Samhitapadapatha 409.6

409.6

kathā | de̱vānā̍m | ka̱tama̱sya̍
yārmani | su̱'maṃtu̍ | nāma̍ | śṛ̱ṇva̱tām | ma̱nā̱ma̱he̱ | kaḥ | mṛ̱ḷā̱ti̱
ka̱tama̍ḥ | na̱ḥ | marya̍ḥ | ka̱rat | ka̱tama̍ḥ | ū̱tī | a̱bhi | ā
va̱varta̱ti̱ || kratu̍'ya̍ti | krata̍vaḥ | hṛ̱t'su | dhī̱taya̍ḥ | vena̍ṃti | ve̱nāḥ
pa̱taya̍ṃti | ā | diśa̍ḥ | na | ma̱rḍi̱tā | vi̱dyate̍ | a̱nyaḥ | e̱bhya̍ḥ
de̱veṣu̍ | me̱ | adhi̍ | kāmā̍ḥ | aya̍ṃsata || narā̱śaṃsa̍m | vā̱ | pū̱ṣaṇa̍m
agohya̍m | a̱gnim | de̱va'i̍ddham | a̱bhi | arca̍se | gi̱rā | sūryā̱māsā̍
caṃdrama̍sā | ya̱maṃ | di̱vi | tri̱taṃ | vāta̍m | u̱ṣasa̍m | a̱ktuṃ | a̱śvinā̍
kathā | ka̱viḥ | tu̱vi̱'ravā̍n | ka̱ryā | gi̱rā | bṛha̱spati̍ḥ | va̱vṛ̱dha̱te̱
su̱vṛ̱kti'bhi̍ḥ | aja̍ḥ | e̱ka̍'pāt | su̱'havai̍bhiḥ | ṛkvai̍bhiḥ | ahi̍ḥ
śṛ̱ṇo̱tu̱ | bu̱dhnya̍ḥ | havī̍mani || dakṣa̍sya | vā̱ | adi̍te | janma̍ni
vra̱te | rājā̍nā | mi̱trāvaru̍ṇā | ā | vi̱vā̱sa̱si̱ | atūrta̍'paṃthāḥ
pu̱ru̱'ratha̍ḥ | a̱rya̱mā | sa̱pta'ho̍tā | vipu̍'rūpeṣu | janma̍'su