Samhitapadapatha 424.26

424.26

ye | va̱dhva̍ḥ | ca̱ṃdraṃ | va̱ha̱tuṃ | yakṣmā̍ḥ | yaṃti̍
janā̍t | anu̍ | puna̱riti̍ | tān | ya̱jñiyā̍ḥ | de̱vāḥ | naya̱ṃtu̱ | yata̍ḥ
ā'ga̍tāḥ || mā | vi̱da̱n | pa̱ri̱'paṃthina̍ḥ | ye | ā'sīda̍ṃti
daṃpa̍tī̱iti̱daṃpa̍tī | su̱gebhi̍ḥ | du̱'gaṃ | ati̍ | i̱tāṃ | apa̍
drā̱ṃtu̱ | arā̍tayaḥ || su̱'ma̱ṃgalī̍ḥ | i̱yaṃ | va̱dhūḥ | i̱māṃ | saṃ'paśya̍ta
saubhā̍gyaṃ | a̱syai | da̱tvāye̍ | artha̍ | asta̍ṃ | vi | parā̍ | i̱ta̱na̱ || tṛ̱ṣṭaṃ
e̱tat | ka̱ṭuka̍ṃ | e̱tat | a̱pā̱ṣṭha'va̍t | viṣa̍'vat | na | e̱tat | atta̍ve
sūryā̍ṃ | yaḥ | bra̱hmā | vi̱dyāt | saḥ | it | vā̱dhū'ya̍ṃ | arha̱ti̱ || ā'śasana̍ṃ
vi̱'śasana̍ṃ | atho̱iti̍ | a̱dhi̱'vikarta̍naṃ | sūryāyā̍ḥ | paśya̍ | rū̱pāṇi̍
tāni̍ | bra̱hmā | tu | śu̱ṃdha̱ti̱