Samhitapadapatha 70.0

70.0

gaurī̍ḥ | mi̱mā̱ya̱
sa̱li̱lāni̍ | takṣa̍tī | eka̍'padī | dvi̱'pa̱dī̍ | sā | catu̍'padī
a̱ṣṭā'pa̍dī | nava̍'padī | ba̱bhū̱vuṣī̍ | sa̱hasra̍'akṣarā | pa̱ra̱me
vyo̍man || tasyā̍ḥ | sa̱mu̱drāḥ | adhi̍ | vi | kṣara̍ṃti | tena̍
jī̱va̱ṃti̱ | pra̱'diśa̍ḥ | cata̍sraḥ || tata̍ḥ | kṣa̱ra̱ti̱ | a̱kṣara̍ṃ | tat | viś‍va̍ṃ
upa̍ṃ | jī̱va̱ti̱ || śa̱ka̱'maya̍m̐ | dhūmaṃ | ā̱rāt | a̱pa̱śyaṃ | vi̱ṣu̱'vatā̍
pa̱raḥ | e̱nā | a̱vare̍ṇa || u̱kṣāṇa̍ṃ | pṛśni̍ṃ | a̱pa̱caṃta̱ | vī̱rāḥ | tāni̍
dharmā̍ṇi | pra̱tha̱māni̍ | ā̱sa̱n || traya̍ḥ | ke̱śina̍ḥ | ṛ̱tu̱'thā | vi
ca̱kṣa̱te̱ | sa̱ṃva̱tsa̱re | vapa̍te | eka̍ḥ | e̱ṣāṃ | viś‍va̍ṃ | eka̍ḥ | a̱bhi | ca̱ṣṭe̱
śacī̍bhiḥ | bhrāji̍ḥ | eka̍sya | da̱dṛ̱śe | na | rū̱paṃ || ca̱tvāri̍ | vāk
pari̍'mitā | pa̱dāni̍ | tāni̍ | vi̱duḥ | brā̱hma̱ṇāḥ | ye | ma̱nī̱ṣiṇa̍ḥ
guhā̍ | trīṇi̍ | ni'hi̍tā | na | i̍ṅgayanti | tu̱rīya̍ṃ | vā̱caḥ | ma̱nu̱ṣyā̍ḥ
vada̍nti