Ashtottarashatopanishad 36.3

36.3

vicakṣaṇatvādṛtavo reta ābhṛtaṃ pañcadaśāt prasūtāt pitryāvatastanmā puṃsi
kartaryerayadhvaṃ puṃsā kartrā mātari mā niṣiktaḥ sa jāyamāna upajāyamāno
dvādaśa trayodaśa upamāso dvādaśatrayodaśena pitrā santadvide'haṃ tanma ṛtavo
martyava ārabhadhvam| tena satyena tapasarturasyārtavo'smi| ko'si
tvamasīti tamatisṛjate| tametaṃ devayajanaṃ panthānamāsādyāgnilokamāgacchati| sa vāyulokaṃ sa varuṇalokaṃ sa ādityalokaṃ sa indralokaṃ sa
prajāpatilokaṃ sa brahmalokam| tasya ha vā etasya brahmalokasya āro hrado
muhūrto'nveṣṭihā virajā nadīlyo vṛkṣaḥ| sālajjaṃ saṃsthānamaparājitamāyatanamindraprajāpatī dvāragopau| vibhupramitaṃ vicakṣaṇasandhyamitaujāḥ
paryaṅkaḥ priyā ca mānasī pratirūpā ca cākṣuṣī puṣpāṇyādāyāgatau
vai ca jagānyambāścāmbā'vayavāścāpsarasoḥ| ambayā nadyastamitthaṃvidā
gacchati| taṃ brahmāhābhidhāvata mama yaśasā virajāṃ vā ayaṃ nadīṃ prāpanna vā
ayaṃ jigīṣyatīti