Ashtottarashatopanishad 36.5
Aṣṭottaraśatopaniṣad 36.5
- Language
- Sanskrit
36.5
sa āgacchatīlyaṃ vṛkṣaṃ taṃ brahmagandhaḥ praviśati | sa āgacchati sālajyaṃ
saṃsthānaṃ taṃ brahmarasaṃ praviśati | sa āgacchatyaparājitamāyatanaṃ taṃ brahmatejaḥ
praviśati | sa āgacchati indraprajāpatī dvāragopau tāvasmādabhidravataḥ | sa
āgacchati vibhupramitaṃ taṃ brahmatejaḥ praviśati | sa āgacchati vicakṣaṇāmāsandīṃ | bṛhadrathantare sāmanī pūrvau pādau śyaitanaudhase cāparau pādau vairūpavairāje anūcyete | śākvararaivate tiraścī sā prajñā prajayā hi vipaśyati | sa
āgacchatyamitaujasaṃ paryaṅkaṃ sa prāṇastasya bhūtaṃ ca bhaviṣyacca pūrvau pādau
śrīśrerā cāparau bṛhadrathantare anūcye bhadrayajñāyajñīye śīrṣaṇye ṛcaśca
sāmāni ca prācīnātāni yajūṃṣi tiraścīnāni somāṃśava upastaraṇamudgītha upaśrīḥ śrīrupabṛṃhaṇaṃ tasmin brahmāste | tamitthaṃvitpādenaivāgra
ārohati | taṃ brahmā pṛcchati ko'sīti taṃ pratibrūyāt
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (3)
- Īśādiviṃśottaraśatopaniṣadaḥ — Sanskrit
- Kauṣītakibrāhmaṇopaniṣad — Sanskrit
- Upaniṣatsaṃgraha — Sanskrit