Ashtottarashatopanishad 38.7

38.7

na hi prajñā'petā vāṅnāma kiñcana prajñāpayet| anyatra me mano'bhūdityāha| nāhametannāma prājñāsiṣamiti| na hi prajñāpetaḥ prāṇo gandhaṃ kañcana
prajñāpayedanyatra me mano'bhūdityāha| nāhaṃ kañcana gandhaṃ prajñāsiṣamiti| na
hi prajñā'petaṃ cakṣū rūpaṃ kiñcana prajñāpayedanyatra me mano'bhūdityāha nāhametad rūpaṃ prajñāsiṣamiti| na hi prajñā'petaṃ śrotraṃ śabdaṃ kañcana prajñāpayedanyatra
me mano'bhūdityāha| nāhametaṃ śabdaṃ prajñāsiṣamiti| na hi prajñā'petā
jihvā'ntarasaṃ kañcana prajñāpayedanyatra me mano'bhūdityāha| nāhametamantarasaṃ
prajñāsiṣamiti| na hi prajñā'petau hastau karma kiñcana prajñāpayedanyatra me
mano'bhūdityāha| nāhametatkarma prajñāsiṣamiti| na hi prajñā'petaṃ śarīraṃ
sukhaṃ duḥkhaṃ kiñcana prajñāpayedanyatra me mano'bhūdityāha| nāhametatsukhaṃ
duḥkhaṃ prajñāsiṣamiti| na hi prajñā'peta upastha ānandaṃ ratiṃ prajātiṃ kañcana
prajñāpayedanyatra me mano'bhūdityāha| nāhametamānandaṃ na ratiṃ na prajātiṃ
prajñāsiṣamiti| na hi prajñā'petau pādāvityāṃ kāñcana prajñāpayedanyatra me
mano'bhūdityāha| nāhametāmityāṃ prajñāsiṣamiti| na hi prajñā'petā dhīḥ
kāñcana siddhyetra prajñātavyaṃ prajñāyeta