Chandogyadipika 21
Chāndogyadīpikā 21
- Language
- Sanskrit
21.p1
atha hovāca janaṃ śārkarākṣya kaṃ tvamātmāna mupāssa iti
21.p2
ākāśameva bhagavo rājanniti hovāca
21.p3
eṣa vai bahula ātmā vaiśvānaro yaṃ tvamātmānamupāsse tasmāttvaṃ bahulo'si prajayā dhanena ca || [1] atsyannaṃ paśyasi priyamatsyannaṃ paśyati priyaṃ bhavatyasya brahmavarcasaṃ kule ya etamevamātmānaṃ vaiśvānara-mupāste saṃdehastveṣa ātmana iti hovāca saṃdehaste vyaśīryadyanmāṃ nā''gamiṣya iti || [2]
21.p4
atha hovāca buḍilamāśvatarāśvim-vaiyāghrapadya kaṃ tvamātmāna-mupāssa iti
21.p5
apa eva bhagavo rājanniti hovāca
21.p6
eṣa vai rayirātmā vaiśvānaro yaṃ tvamātmānamupāsse tasmāttvaṃ rayimān puṣṭimānasi || [1] atsyannaṃ paśyasi priyamatyannaṃ paśyati priyaṃ bhavatyasya brahmavarcasaṃ kule ya etamevamātmānaṃ vaiśvānaramupāste bastistveṣa ātmana iti hovāca bastiste dhyabhetsyadyanmāṃ nā''gamiṣya iti
21.p7
[2]
21.p8
atha hovācoddālakāruṇi.-gautama kaṃ tvamātmānamupāssa iti
21.p9
pṛthivīmeva bhagavo rājanniti hovāca
21.p10
eṣa vai pratiṣṭhātmā vaiśvānaro yaṃ tvamātmānamupāsse tasmāttvaṃ prati-
21.p11
sthito'si prajayā ca paśubhiśca || [1] atsyannaṃ paśyasi priyamatsyannaṃ paśyati priyaṃ bhavatyasya brahmavarcasaṃ kule ya etamevamātmānaṃ vaiśvānaramupāste pādau tvetāvātmana iti hovāca pādau te vyamlāsyetāṃ yanmā nāgamiṣya iti || 2
21.p12
iti pañcamādhyāyasya saptadaśaḥ khaṇḍaḥ
Linked texts (8)
- Īśādiviṃśottaraśatopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Upaniṣads — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Chāndogyopaniṣad C — Rāmānuja Yatirāj, Sanskrit