Pramāṇa · Search · About · API

Chandogyadipika 4

Chāndogyadīpikā 4

Language
Sanskrit

4.p1

athātaḥ śauva udgīthaḥ

4.p2

taddha bako dālbhyo glāvo vā maitreyaḥ svādhyāyamudvavarāja || [ 1 ] tasmai śvā śvetaḥ prādurbabhūva | tamanye śvāna upasametyocuḥ | annaṃ no bhagavānāgāyatu | aśanāyāma vā iti || [ 2 ] tān hovācehaiva mā prātarupasamīyāteti | taddha bako dālbhyo glāvo vā maitreyaḥ pratipālayāṃcakāra || [ 3 ]

4.p3

taṃ ha yathaivedaṃ bahiṣpavamānena stoṣyamāṇāḥ saṃrabdhāḥ sarpantītyevamāsasrapuḥ| te ha samupaviśya hiṃ cakruḥ || [ 4 ]

4.p4

o3madā3ma| oṃ3 pivāma| oṃ3 devo varuṇaḥ prajāpatiḥ savitārañnamihāra''harat | annapate3'nnamihāra''harā2''haro3miti || 5

4.p5

ayaṃ vāva loko hāu(u)kāraḥ | vāyurhāikāraḥ | candramā athakāraḥ | ātmehakāraḥ | agnirīkāraḥ || [ 1 ] āditya ukāraḥ | nihava ekāraḥ | viśve devā ohāikāra (auhoyikāraḥ ?) | prajāpatirhiṃkāraḥ | prāṇaḥ svaraḥ | a'nnaṃ ya(yā) | vāg virāṭ || [ 2 ] aniruktastrayodaśaḥ stobhaḥ saṃcaro kṣuṣkāraḥ [ huṃkāraḥ ? ] [ 3 ]

4.p6

dugdhe'smai vāgdohaṃ yo vāco dohaḥ | annavānannādo bhavati | ya etāmevaṃ sāmnāmupaniṣadaṃ vedopaniṣadaṃ veda || [ 4 ]

4.p7

samasta[sya] khalu sāmna upāsanam

4.p8

sādhu

4.p9

yatkhalu sādhu [tat] sāmetyācakṣate | yadasādhu tadasāmeti |[1] tadutāpyāhuḥ | sāmnainamupāgāditi sādhunainamupāgādityeva tadāhuḥ | asāmnainamupāgādityasādhunainamupāgādityeva tadāhuḥ || [2] athotāpyāhuḥ | sāma no bateti yatsādhu bhavati sādhu batetyeva tadāhuḥ | asāma no bateti yadasādhu bhavatyasādhu batetyeva tadāhuḥ ||[3]|| sa ya etadevaṃ vidvānsādhu sāmetyupāste'bhyāsoḥ(śo) ha yadenam̐ sādhavo dharmā ā ca gaccheyurupa ca nameyuḥ || [ 4 ]

4.p10

lokeṣu pañcavidhaṃ sāmopāsīta

4.p11

pṛthivī hiṃkāro'gniḥ prastāvo'ntarikṣamudgītha ādityaḥ pratihāro dyaurnidhanam

4.p12

ityūrdhveṣu || [ 1

4.p13

athā''vṛtteṣu

4.p14

dyaurhiṃkāra ādityaḥ prastāvo 'ntarikṣamudgītho 'gniḥ pratihāraḥ pṛthivī nidhanam || [ 2

4.p15

kalpante hāsmai lokā ūrdhvāścā''vṛttāśca ya etaṃ(ta)devaṃ vidvām̐- llokeṣu pañcavidhaṃ sāmopāste || [ 3

4.p16

vṛṣṭau pañcavidhaṃ sāmopāsīta

4.p17

puro vāto hiṃkāro megho jāyate sa prastāvo varṣati sa udgītho vidyotate stanayati sa pratihāra udgṛhṇāti tannidhanam || [2]

4.p18

varṣati hāsmai varṣayati ha etadevaṃ vidvānvṛṣṭau pañcavidhaṃ sāmopāste || [2]

4.p19

sarvāsvapsu pañcavidhaṃ sāmopāsīta ||1

4.p20

megho yatsaṃplavate sa hiṃkārā yadvarṣati sa prastāvo yāḥ prācyaḥ syandante sa udgītho yāḥ pratīcyaḥ sa pratihāraḥ samudro nidhanam || [ 1 ]

4.p21

na hāpsu praityapsumān bhavati sa etadevaṃ vidvān sarvāpsu-

4.p22

svapsu) pañcavidhaṃ sāmopāste || [ 2 ]

4.p23

ṛtuṣu pañcavidhaṃ sāmopāsīta

4.p24

vasanto hiṃkāro grīṣmaḥ prastāvo varṣā udgīthaḥ śaratpratihāro hemanto nidhanam || [ 1 ]

4.p25

kalpante hāsmā ṛtava ṛtumānbhavati ya etadevaṃ vidvān ṛtuṣu pañcavidham̐ sāmopāste || [ 2 ]

4.p26

paśuṣu pañcavidham̐ sāmopāsīta

4.p27

ajā hiṃkāro'vayaḥ prastāvo gāva udgītho'śvaḥ(śvāḥ) pratihāraḥ puruṣo nidhanam || [ 1 ]

4.p28

bhavanti hāsya paśavaḥ paśumān bhavati ya etadevaṃ vidvān paśuṣu pañcavidham̐ sāmopāste || [ 2 ]

4.p29

prāṇeṣu pañcavidhaṃ parovarīyaḥ sāmopāsīta

4.p30

prāṇo hiṃkāro vākprastāvaścakṣurudgīthaḥ śrotraṃ pratihāro mano nidhanam

4.p31

parovarīyāṃsi vā etāni || [1]

4.p32

parovarīyo hāsya bhavati parovarīyasa(so)¹ lokān jayati ya etadevaṃ vidvān prāṇeṣu pañcavidhaṃ parovarīyaḥ sāmopāste

4.p33

iti tu pañcavidhasya || [ 2 ]

4.p34

atha saptavidhasya

4.p35

vāci saptavidhaṃ sāmopāsīta

4.p36

yatkiṃca vāco ha(hu)miti sa hiṃkāro yatpreti sa prastāvo yadeti sa ādiḥ | [ 1 ] yaduditi sa udgītho yatpratīti sa pratihāro yadupeti sa upadravo yannīti tannidhanam || [ 2 ]

4.p37

dugdhe'smai vāgdohaṃ yo vāco doho'nnavānannādo bhavati ya etadevaṃ vidvān vāci saptavidhaḥ sāmopāste || [3]

4.p38

iti dvitīyasyādhyāyasyāṣṭamaḥ khaṇḍaḥ

Linked texts (13)