Chandogyaprakasha 6

Chāndogyaprakāśa 6

brahmavidyāṃ śaunakāya yāmuvācāṃgirā muniḥ || atharvaṇe muṃḍake'
sau viśadīkṛtya vakṣyate

caturmukhādike saṃpradāye yo muniraṃgirāḥ || upasadya yathāśāstrametaṃ papraccha śaunakaḥ

ekasminvidite sarva vijñātamiti vaidikī || prasiddhirasti tadvastu kiṃ
syānniścitya me vada

śṛṇu vidye ubhe tāvadveditavye parāpare
pṛṣṭaṃ vastu tayormadhye gamyate paravidyayā

ṣaḍaṃgasahitā vedā
vijñāyaṃte yayā dhiyā || sā dhīraparavidyā syādbrahmadhīstu parā matā

upanītena vijñeyā vedāḥ sarve na tāvatā || brahmadhīḥ kiṃtu
vairāgye syādācāryopadeśataḥ

vaidikyapyadhikārasya bhedāduktā
pṛthak parā || viprāḥ parivrājakāśca tiṣṭhaṃtīti yathā tathā

yasyāmaparavidyāyāṃ karmāṇyuktāni sādhakāḥ || kurvaṃti karmabhiḥ śuddhiṃ
paravidyā karoti hi

parayā cākṣaraṃ jñeyametasminvidite sati
sarvaṃ jagadbhavedbuddhaṃ tasya sarvātmakatvataḥ

na vinānuṣṭhitaṃ karma
vedanaṃ paryavasyati || brahma dhīstāvaṃtaiva syātphaladeti parā matā

tadvedyamakṣaraṃ kīdṛgiti cedabhidhīyate || jñāneṃdriyairna vijñeyaṃ grāhyaṃ
karmeṃdriyairna vā

na gotraṃ kāśyapādyasti varṇaḥ śuklādikaśca
na || na jñāneṃdriyamastyasya nāpi karmeṃdriyaṃ tathā

nityo'kṣarapadārtho'yaṃ tadvinājñānirūpaṇāt || vibhurvividhabhāvitvāttacca sarvātmakatvataḥ

ākāśavatsarvago'taḥ paricchedo na deśataḥ || na
kālato'pi nityatvādvibhutvānnāpi vastutaḥ

sarvagasyā'pi

Linked texts (1)